Les campanes nel alba - Carlos Rubiera (EP - 1976)

Soledá la mio vida
¿Qué te da pena?
Les campanes del alba
suena que suena.
Güei la aldea ta sele
nun ruxe'l carru nin la vacá.
Canta triste la fonte
pasó'l ñuberu y la troná.
Tristeza que ye dolor
pola muerte un llabrador
llabrando col ñubláu
lo que na llosa sería'l maizal
el rayu golió'l fierru
y el fierru al home pasó-y el mal.
Yá nun tornará llabrar
delguna secha enxamás
nuna caxa castañu, fechu burraya
pal pozu va...

La mañana ta triste
al viento'l pelo fai remolín
les gaviotes peñeren
del mar al cielu pente'l orpín
tristeza que ye dolor
pola muerte un pescaor
ayer bote, carburo
rede y terrafes salió a pescar
güei sacáronlu al puertu
bote y aperios per allá tan.
Yá nun golverá la mar
nes mañanes col clariar
baxo un cielu plomizu
pel monte arriba, vanlu a enterrar....

Güei la mina ta quieta
la vagoneta nin vien nin va
ta llorando un mineru
xunta'l maderu de la verdá
tristeza que ye dolor
pola muerte un postiaor
a les doce cantando
col hachu en llombu baxó a postiar
na tarde salió muertu
fendió un costeru pela mitá.
Yá nun golverá cantar
mientres baxa a trabayar
cai la tarde l'entierru
pal cementeriu, qué sele va...

Category:

Music

Tags:

• nuevu
• canciu
• astur
• carlos
• rubiera
• folk