سعدون جابر - ألي مضيع ذهب

ليس هناك اجمل من عراقنا الحبيب لنعود دائما اليه مهما عصفت بنا رياح الغربه
ومهما اخذتنا متاهات السفر
فالى كل من عانى من تعب الغربة
هذه الكلمات التي تعيد الى اذهاننا ذاك الحنين

كاظم إسماعيل الكَاطع

بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!
بسوكَ الذهب يلكَــــــاه
وإللي مفاركَ محب ...
يمكن سنه وينســــــاه
.. والطاح منٌه الكَلب
قلب إصطناعي إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟
* * *
آه ياوطن يا خبز يالشارتك تكتل !!
آه يا وطن يا طفل .. هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إله إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
***
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراق
أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!
مانلكًه مثل إعراقنا إعراق

Category:

Music

Tags:

• iraq
• baghdad
• sadoun
• jaber
• سعدون
• جابر
• ألي
• مضيع
• ذهب

[alis992]

الله يوفق أخوتنا بالعراق ويجمع شتاتهم و يرزقهم الأمن و السكينة

[ebonyboy00]

الله يا اهل العراق يجمع شملكم وشمل جميع المسلمين...

[DesertStorm58]

شضل من العراق ومن الوطن باكو الحرامية والدول المجاورة الله يرحمك صدام حسين جنت خيمة فوك راسنة وشوكة بعيون الاعداء ولي يكول غير هيج ميحب وطنة ابد شكرااا ع هل فديو الرائع

[sajjad19651]

يا عراق ترجع لنا و تلمنا بخيمتك

شكرا على هذا الفيديو عاشت ايديكم

[ALAJMI946]

راح صدام بعد ما هدم العراق ودخل الامريكان

واجا علاوي ودخل ايران

وك ماضل بي عراك

[azdesw]

mashallah alik wallah gefällt mir so sehr wallah ich habe jeden tag hören diese liede gefällt mir so sehr wallah geil

[jimi711000]

يسبرنى



[lamoosa85]

وينة الوطن؟ ضيعناه وهو همين ضيعنا .......



[aliomora]

الله يا العراق الحبيب ان شاء الله تزول شدة عنك ونشوفك قوي مثل سابق عهدك

[faisal19887]

لا اله الا الله

لا حول ولا قوة الا بالله

سبحان الله وبحمده سبحان الله العظيم

سبحان الله والحمد لله ولا اله الا الله والله أكبر

أشهد أن لا اله الا الله وأشهد أن محمد رسول الله

أستغفر الله الذي لا اله الا هو الحي القيوم وأتوب اليه

اللهم صلي على محمد وعلى آل محمد كما صليت على ابراهيم وعلى آل ابراهيم أنك حميد مجيد وبارك على محمد وعلى آل محمد كما باركت على ابراهيم وعلى آل ابراهيم في العالمين أنك حميد مجيد

[akthamaboutraba]

الله يا عراق مهما مرت عليك عواصف تبقى شامخ للابد اه يا عراق

[3oOodWe6aRb]

اخخخ ياقلبي من جد تبكي هل اغنيه الله يحفظ العــــــــراق ويسعد اهلها ....اللهم ااامين