1762 leto 2 del

Илјада и седимстотин шесдесет и второ лето
в Охрида од Цариграда дошел Салаор.
Еј! Дошел Солаор.

Се претставил пред Арсења
наша патрика честнаго
и му рек'л слово горко, слово жалостно.
Еј! Слово жалостно.

Царска волја е да тргнеш
денеска за Цариграда
на тебе од врли Грци, голем поплак е.
Еј! Голем поплак е.

Собрал патрик свое стадо
в црква свјатиј Климентова
благослов им дал последен, р'це заплетил.
Еј! Р'це заплетил.

Д'лго време липал старец
в молчење в'сенародно
и по бела брада ронел с'лзи горешти.
Еј! С'лзи горешти.

Слушајте ме мили чеда
јас ќе идам в Цариграда
на мене од врли Грци голем поплак е.
Еј! Голем поплак е.

Грцкиј патрик ќе ни строши
славна Охридска Столица
и мене до смрт ќе држи в заточение
Еј! В заточение.

Ќе прати владици Грци
лицем светци срцем в'лци
ќе ве дават, ќе ве стрижат, ќе м'лзат до крв.
Еј! Ќе молзат до крв.

Меѓу народа ќе сејат
несогласје и раздори,
да се мразат син со татка и со брата брат.
Еј! И со брата брат.

И ќе викнете до Бога
и крило не ќе најдете,
смирени ќе наведете глави доземи.
Еј! Глави до земи.

Ќе ми бидете сираци,
така било написано.
Елате ми да ве гушна за последен п'т.
Еј! За последен пат.

Ч'рна т'га поразила
старо, младо, м'жи, жени,
Вси со р'це заплетени с'лзи проливат.
Еј! Солзи поливат.

Тој ги гушка, тие тажни
му целуват десна р'ка
и од р'ка как' од извор с'лзи се лејат.
Еј! Солзи се лејат.

Вјахнал Патрик брза коња
и неволно уп'тил се.
Тога грмкиј плач народен небо процепил.
Еј! Небо процепил.

Умилил се чесниј Патрик,
свалил шапка навезана,
погледал на сино небо, љуто прок'лнал.
Еј! Љуто проколнал:

„Ох! послушај, милиј Боже!
Хаир никога да немат
Стамче беј и Бујар Лигдо, Пејко челеби!
Еј! Пејко челеби.

Милостивиј Бог послушал
патричка горешча клетва,
слава нихна, семе нихно погубил со шум.
Еј! Погубил со шум.

И сега во куќи нихни
ткае пајак пајачина
и на пусти стрехи нихни хукат хутове.
Еј! Хукат хутове.

Category:

Music

Tags:

• 1762
• лето
• втор
• дел

[dimitar27]

@Trotsky168 Овде оние оХРИГАНИНЕ СТАРИ ДЕДОВЦИ . .ЕПТЕН СТАРИ (Охридски трубадури мислам се викаат ама не сум сигурен), инаку Наум Бурназ ја има пеено, а МИЗАР обработено

[Trotsky168]

@dimitar27

Кој ја изведува песнава?

[dimitar27]

@martinpopiposki бујрум Мартине :)

[martinpopiposki]

stvavi i tekst za polesno peenje

[dimitar27]

@Jocko61 Знаеш што мака видов додека ја најдам целава песна? Нека се живи некои македонски музичари кои и од кога станаа славни сеуште работат на зачувувањето на македонската музика, па не им е тешко и оваа огромна песна да ја спакуваат за нас. Треба да земам деновиве да ја ставам во едно видео, сега youtube дозволува повеке минути

[Jocko61]

БРАВО ЗА ИЗВЕДБАТА, БРАВО ЗА ИДЕЈАТА ШТО ЈА ИСПЕАВТЕ ЦЕЛАТА ПОЕМА НА НАШИОТ ГРИГОР ПРЛИЧЕВ, ДА НИ Е ВЕЧНА МАКЕДОНИЈА