Cadetes do Clube Ciclista de Negreira

Cando llo propuxemos nos albores deste verán, Jorge Castro Tieles foi todo receptividade e amabilidade. No fondo estaba amosarlle ó barcalés mundo, o infinito esforzo na sombra mediática duns adolescentes barcaleses que, lonxe da fama e fortuna do fútbol, adican moitas horas do seu tempo libre a un dos deportes máis sufridos e incomprendidos do mundo.

E así foi que, axendando datas, a redacción en pleno desta desmesurada webera valdebarcalesa, presentouse o pasado sábado 27 de agosto de 2011, co sol descendendo a peso, na explanada do IES "Xulián Magariños" de Negreira. A cita era ás 11:00h cos cadetes do Clube Ciclista de Negreira e co seu adestrador Jorge Castro Tieles. O obxectivo: Compartir un día de adestramento disciplinar cos rapaces.

E despois de todas as crónicas compartidas en Valdebarcala.es por Jorge, non faltaban gañas na redacción, pero un par de minutos de atraso na hora de saída, foron suficientes para que os vigorosos mozos ciclistas barcaleses, tiveran que agardar polos renqueantes redactores desta webera para dar comenzo así o adestramento do día. Un día de adestramento (dos seis que acostuman a levar á semán), que daba ben para unha quinquena de bicicleta para os que aquí escribimos.

Subidos no coche oficial do Clube Ciclista de Negreira, tivemos a posibilidade de conversar un pouco con Jorge sobre o ciclismo en xeral e sobre a evolución dos nosos xoves ciclistas barcaleses, a súa alimentación, a súa adicación ó deporte, así coma sobre os estupendos valores que sen dúbida acompañan a este xove equipo unido.

Namentras a clásica verborrea da redacción valdebarcalesa, comodamente apousada nos asentos do auto, indagaba nos vericuetos ciclistas e apretaba sen cansancio o botón da cámara, os mozos adestraban duramente e desfacían os kilómeros (preto de 70km) entre as montañas circundantes ó noso Val de Barcala cunha entrega tal, que cada ascensión (e algunha claramente chegaba ó 13% ou 14% de desnivel, ¡ou máis!) semellaba un chan aquelado para velocistas...

Xornada épica para a valdebarcalesa redactora (en coche feita) e común para os nosos campións da bicicleta. A ruta que seguimos foi (referenciando os altos), Cumio de Lens (previo paso pola fermosa Ponte Maceira), Cumio cara a "Ameixenda", Cumio dos Barreiros, Cumio da Pena, Cumio no Cruceiro de Salgueiras, e volta polas terras de Trece...

E con todo este aquel, de xustiza absoluta é dar as gracias neste intre a Francisco Lens Esperante, bo amigo de Valdebarcala.es, e quen fai posible co seu imprescindible mecenazgo, que os rapaces poidan desfrutar día a día deste deporte, e competir con dignidade en representación da nosa terra, ó longo e ancho da xeografía galega. Persoas coma él, que invirten a fondo perdido no deporte e na xuventude, son as moven e fan avanzar á sociedade dunha comarca.

Agradecer tamén a colaboración continua e sen cancelas de Jorge Castro Tieles, que adica parte importante do seu tempo libre en adestrar ós rapaces a diario, e a quen, no transcurso de tempo en que o video foi grabado e agora publicado, lle deron a boa nova dende a Federación de Ciclismo, de que esta tempada que entra, se lle permitirá compatibilizar a súa carreira como ciclista de élite, co adestramento dos cadetes de Negreira (O que estes anos non podía). Unha boa nova que foi recibida na redacción cunha inmensa ledicia, e que supón a volta á competición dun dos nosos colaboradores máis queridos (e que nos consta que xa está a preparar concienzudamente o corpo para chegar a punto ás carreiras).

Category:

Music

Tags:

• Cadetes
• do
• Clube
• Ciclista
• de
• Negreira