Galiciaconfidencial.com contra a violenxcia de xénero

A decana de Psicoloxía Rosa Álvarez e a veterana feminista Narina Santos explican á cámara de GC porque os asasinatos de mulleres só son a "punta do iceberg".

Por Galicia Confidencial | Santiago | 24/11/2010 * menéame * Chuzar * Do Melhor * Cabozo * facebook * twitter * my space * del.icio.us * versión para imprimir

Este xoves celébrase o Dia Internacional para a eliminación da violencia de xénero. Galicia Confidencial entrevista a dúas das maiores expertas galegas sobre a discriminación que aínda sofren as mulleres.

Nanina Santos Castroviejo e profesora de secundaria e unha miliante histórica no feminismo galego e estatal. Na súa opinión, os asasinatos de mulleres non son máis que a "punta do iceberg" dun problema maior, alimentado por prexuízos sociais que cómpre erradicar.

Unha Educación para a Cidadanía desvirtuada

"Hai que combater a idea do amor romántico, o príncipe azul destinxe ao primeiro lavado e a princesa rosa tamén; o amor é outra cousa", argumenta Nanina Santos. A profesora insiste en que "a maior frivolidade é crer que o problema son as mortes; ás mortes chégase despois de percorrer un camiño".

Membro da directiva da revista feminista Andaina, esta activista denuncia que Educación para a Cidadanía pretendía educar aos mozos na importancia da igualdade,pero que "sectores moi activos do PP, do Opus Dei, de Legionarios de Cristo" lograron desvirtuar a mensaxe a prol da igualdade de xénero prevista inicialmente na reforma do ensino.

A decana de Psicoloxía alerta do machismo na linguaxe

Posturas similares defende Rosa Álvarez, decana do Colexio Oficial de Psicoloxía de Galicia. "Dende que nos erguemos até que nos deitamos podemos ver todos os días cantidade de actitudes e comportamentos que levan á discriminación ou polo menos a non igualdade" explica a GC a psicóloga.

Ao igual que Santos, Álvarez demanda máis educación de xénero nas aulas para que os prexuízos non se reproduzan entre os mozos.

Prexuízos que, na súa opinión, subsisten na lingua porque "estar sempre falando nun linguaxe masculino, significa algo". A decana entende que o machismo na linguaxe "non se corrixiu na lingua escrita". Un exemplo podería ser o antigo nome da súa propia institución, o antigo Colexio de Psicólogos de Galicia, hoxe Colexio de Psicoloxía de Galicia.

Apoio público para unha exposición sobre o feminismo galego

Numerosos concellos galegos organizan actos ao fío do Dia Internacional para a eliminación da violencia de xénero. Por exemplo, a Concellaría de Igualdade de Carballo organiza unha serie de exposicións, encontros con escolares, contacontos, obradoiros ou a xa tradicional Feira das Asociacións.

Este xoves o Pazo da Cultura de Carballo acolle ás 19:30 horas un acto público no que participarán Xabier Macías, Director da Fundación Galiza Sempre e Nanina Santos Castroviejo, que participa como asesora da exposición "Feminismo Galego. Cambios sociais e dereitos das mulleres", que falarán sobre esta mostra, a motivación para elaborala e o seu contido.

Category:

News & Politics

Tags:

• femenismo
• feminismo
• galicia
• galiza
• psicoloxía
• colexio de psicoloxía
• colegio de psicología
• psicología
• machismo
• violencia
• muller
• mujer
• nanina santos