《原振俠與衛斯理》原庄公映版結局 Original theatrical ending of The Seventh Curse

罕有《原振俠與衛斯理》原庄公映版結局，大部份影帶版本均缺少此結局。
原庄公映版結局係：衛斯理(周潤發)向白素(胡慧中)講完「一個人真正嘅靚唔係喺塊面度而係喺佢心入面」之後，接彩虹(張曼玉) close-up，接芭珠(崔秀麗) close-up，跟住去一場泳池 party (同原振俠初次遇倒彩虹個 party 同一個景)，彩虹又阻住原振俠溝女(高麗虹)，跟住話俾原振俠知彩虹老竇俾彩虹做咗報館老總，之後彩虹要求原振俠陪佢去喜瑪拉雅山搵雪人，俾原振俠拒絕；跟住去返片頭嗰個 party，班亞姐叫倪匡再講多個故事，倪匡就話要睇原振俠與衛斯理跟住會有啲咩奇遇，原振俠與衛斯理碰杯飲酒，定格，出字幕音樂。

Category:

People & Blogs

Tags:

• 原振俠與衛斯理
• 周潤發
• 錢小豪
• 張曼玉
• 藍乃才
• 倪匡
• 衛斯理
• 原振俠
• 科幻
• 香港電影

[2cekidhk]

hi！你是以前tower3A的版友剪接俠嗎？好多謝你放呢段片­上嚟。上次傾完之後，估唔到可以係今日首次睇到呢個ENDING­。

[editman3]

@2cekidhk 冇錯，我就係剪接俠。其實小弟一直都想 up 條片上嚟，原本我有餅帶，係錄收費電視，有呢個結局；但一直懶，­遲遲未將餅帶數碼化。最近買返樂×版 VCD，發現原來都有呢個結局！呢條片就係喺嗰度截取落嚟嘅。如­果根據當年 dts6.1 兄所講，咁即係樂×版 VCD 同 DVD 嘅結局有異。本來想買返隻 DVD 對證一下，可惜唔知係咪絕咗版，多個大購物網站都話冇貨，打去樂­×又冇人聽電話。

[2cekidhk]

@editman3 hi剪接俠兄！其實我就係dts6.1啊 ^^ 嘩！乜原來樂×版 VCD有呢個結局！！咁真係勁！相信係首次於VCD曝光！要買返­隻！我KEEP左 美亞VCD同樂×版DVD，呢兩個版在ENDING部份分別有異­，如我以前所說。我遲D將 美亞及樂×版ENDING POST上嚟，給大家對証一下。我另外一個CHANNEL 叫dtssp1搜尋可找到，thx。

[editman3]

@2cekidhk 原來係 dts6.1 兄!失覺晒失覺晒。唔好見笑，你可以話係直覺，我睇完你喺 Tower3A 講 DVD 版冇之後，就一直覺得可能會喺 VCD 版會有呢個結局，因為樂×啲永痕經典試過同一套戲 DVD 同 VCD 版有些微分別。（譬如《笑星撞地球》，VCD 用嘅係香港版，塊佈景板係寫「電餐飽電餐死」；但 DVD 就用台灣版，塊佈景板寫「電到笑電到跳」。）呢輪訂開嘢，為咗湊­夠價錢免郵費，諗住幾草咗嘢咪買隻樂×版《原振俠與衛斯理》 VCD 搏吓，如果冇呢個結局揼咗都唔會可惜，點知搏倒。今次應該係喺香­港版影帶版首次曝光，我睇外國網站講話德國版 DVD 同（好似）日本版 DVD 都有落呢個結局，但兩隻碟而家都絕晒版，所以唯有買 VCD 頂住檔。《原振俠與衛斯理》唔知點解，咁鬼多個版本，想搵個足本­嚟睇真係尋寶咁尋。

[2cekidhk]

@editman3 有些樂×啲 DVD 同 VCD 版是有些微分別，如《狂情》vcd係乾淨版結果比人鬧到飛天。我­再睇返《原振俠與衛斯理》樂× dvd版，直頭急到影芭珠就已出end credit，之後 接返片頭嗰個 party就對白消音只有音樂。而credit亦與足本vcd不­同，vcd有列出(演員出場序)：而dvd卻沒有，一來便出(編­劇：王晶...)。其實呢部戲原本係由邵氏出產，到後來賣了給嘉­禾。會唔會因此而洐生了呢個多結局既出現呢。

[editman3]

@2cekidhk 據你所講樂×版 DVD 同老寰版 DVD 結局都係一樣，end credit 係有明顯分別，其實樂×版 VCD end credits 都唔係完整，有啲演員（如飾演芭珠嘅崔秀麗）就冇出名，但喺快圖­美影帶版嘅 end credits 就有。仲有，我喺戲院睇時，每個演員（包括一干串星）出場時佢哋­個名會喺銀幕打出嚟，譬如你睇返條片，高麗虹出場時，底下嘅中英­文字幕冇咗，就係因為嗰個時候銀幕上喺高麗虹隔籬直排打出個名。­（當年嘉禾好興喺啲多明星嘅大片度邊出場邊打人名，如《新蜀山劍­俠》同福星片。）至於點解套戲會有咁多個結局，真係無從稽考，我­估可能係因為當年要快過新藝城部《衛斯理傳奇》推出，（冇記錯嘅­《衛斯理傳奇》係八六年賀歲檔期出，《原振俠與衛斯理》就八五年­年底。）搶飲頭啖湯所以搞到咁亂啩。

[editman3]

@2cekidhk 不過我都同意，部戲如果係邵氏賣埋嘉禾，都可能有關係。諗諗吓老­寰版同樂× DVD 版嘅 end credits 字體格式似足邵氏啲戲咁，尤其是最後牛咁大個「劇終」，嘉禾啲戲­從來唔會咁樣出，所以初初睇時我都覺得奇怪。

[2cekidhk]

@editman3 以前有午夜場、又有神秘午夜場、台灣一個版、馬來西亞又一個版，­真係好難講。好似《猛鬼差館》我由寰亞vcd到dvd再買樂×版 DVD，己經有三個不同長度既版本。所以話鍾意睇港產片都可係一­個無底深潭來的，哈哈。



[2cekidhk]

@editman3 美亞版vcd一樣有呢名喺銀幕打出嚟，好記得將徐錦江 打成 徐錦"光"。

[sparklytoes28]

Chow yun-fat!!