Mani Matter - I han es Zündhölzli azündt

I han es Zündhölzli azündt
und das het e Flamme gäh
und i ha für d'Zigarette
welle Füür vom Hölzli näh
aber ds Hölzli isch dervo-
gspickt und uf e Teppich cho
und es hätt no fasch es Loch i Teppich gäh dervo

Ja me weis was cha passiere
we me nid ufpasst mit Füür
und für d'Gluet ar Zigarette
isch e Teppich doch de z'tüür
und vom Teppich hätt o grus
chönne ds Füür i ds ganze Hus
und wär weis, was da nid alles no wär worde drus

S'hätt e brand gäh im Quartier
und s'hätti d'Füürwehr müesse cho
hätti ghornet i de Strasse
und dr Schluuch vom Wage gno
und sie hätte Wasser gsprützt
und das hätt de glych nüt gnützt
und die ganzi Stadt hätt brönnt, es hätt se nüt meh gschützt

Und d'Lüt wären umegsprunge
i dr Angscht um Hab und Guet
hätte gmeint s'heig eine Füür gleit
hätte ds Sturmgwehr gno ir Wuet
alls hätt brüelet: wär isch tschuld?
ds ganze Land i eim Tumult
dass me gschosse hätt uf d'Bundesrät am Rednerpult

D'UNO hätt interveniert
und d'UNO-Gägner sofort o
für ir Schwyz dr Fride z'rette
wäre beid mit Panzer cho
s'hätt sech usdehnt natina
uf Europa, Afrika
s'hätt e Wältchrieg gäh und d'Mönschheit wär jitz nümme da

i han es Zündhölzli azündt
und das het e Flamme gäh
und i ha für d'Zigarette
welle Füür vom Hölzli näh
aber ds Hölzli isch dervo-
gspickt und uf e Teppich cho -
gottseidank dass i's vom Teppich wider furt ha gno

Category:

Music

Tags:

• mani
• matter
• zündhölzli
• war
• krieg
• irak
• iraq
• bush
• g.w.
• oil
• feuer
• schlauch
• häuser
• gitarre
• guitar
• suisse
• schweiz
• schwiiz
• svizzera
• ahmadinejad
• iran
• usa
• amerika
• bern
• motorrad
• horgen
• zürich
• kanton

[mowgli001]

..genial gmacht...

[Flatterfrauch]

Schöni zämestellig vo bildli 0:47 isch bsunders heiss!

grüess us Basel

[desireebe]

hahhahahaa lustig lol <3 xD

[nevildaking]

sturmgwehr 90 <3



[13keks13keks]

öööööhmmm...s fehl irgend wie die letschti schrofe!!!!!

[polizeiking9]

omq ist dal lustig mit den bilder tol mach bitte mochmer solche vidios bitte

NOTE: sehr gut

[nicu1412198]

Würklech ganz Inteligännte ssiech!!

[XxseverinxX1]

0:26 ischs beschte

[73hoff]

so lustig :-)

[rivkina1]

mega geil gmacht!! isch würklich super drus worde

[22Leimstift22]

geile bilder

[MegaBunsi]

iggit bei o:50