Durangaldeko gazte topaketak

DURANGALDEKO GAZTE TOPAKETAK
ATXONDON, URRIAK 29, 30, 31

Badatoz Durangaldeko gazte topaketak! Aurten ere, eta bigarren urtez jarraian,
Durangaldeko gazteek beren arazo eta kezkaz eztabaidatzeko eta alternatibak eraikitzen
jarraitzeko aukera izango dute urriaren azken asteburuan Atxondon ospatuko diren
jardunaldietan.

3 eguneko egitarau osoa dago prestatuta. Besteak beste, kontzertuak, lan taldeak, tailer
ezberdinak eta zenbait eztabaida antolatu dira. Aurten, sakontasunez garatuko diren hiru
gai egongo dira. Euskara, aisialdia eta sorkuntza. Lan taldeetan dinamika ezberdinak
prestatuta daude, hiru arlo hauen inguruan planteamendu ezberdinak garatzeko.
Etorkizunera begirako apustuak uztartu nahi dira topaketa hauetan, Durangalde mailako
bateraguneak sortu.

Topaketetara joateko deia luzatzeko spot bat grabatu zen aurrekoan Atxondon. Spota
ikusgai (altzoan.com, topatu.info...). Apuntatzeko ohiko lekuetan egongo da aukera, eta
prezioa 10 eurokoa izango da asteburu guztian bertan egon nahi dutenentzat. Hala ere,
egun konkreturen baten joan nahi duenarentzat ere aukera dago eta 4 euroko prezioa du
eguneko bonoak.

Iazko topaketan jarraipena izan nahi du aurtengoak, ondo pasatzeko eta harremanak
sustatzeko aukera ezin hobea, beraz, antolatzaileek dei egiten dute urriaren 29, 30 eta
31an Atxondora hurbiltzeko.

Eraman beharrekoa: lo sakua, esterila, eta ilusioa
Apuntatzeko: herri bakoitzeko ohiko lekuak eta ikastetxeetan Urriak 27an jolas orduan
Atxondora joateko autobusak: Durangon Madalenan ordu erdiro

Category:

News & Politics

Tags:

• durangaldea
• gazte
• topaketak
• bideoa
• tailerrak