Stokholmda siyasi məhbuslarla bağlı informasiya kompaniyası keçirlidi

2010 - cu il 31 dekabrda Stokholm şəhərinin mərkəzində Güney Azərbaycanın acı və acınacaqlı durumu ilə bağlı möhtəşəm informasiya kompaniyası keçirilmişdi.

Əvvəlcədən xəbər verdiyimiz kimi, tədbir şəhər mərkəzindəki Stadsteatrın qarşısında, adamların çox gəlib-getdiyi bir xiyabanda düzənlənmişdir. Burda Güney Azərbaycanın siyasi məhbusdlarının, İran gizli polisinin əli ilə qətlə yetirilənlərin, ETTELAAT tərəfindən ağır bədən xəsarəti alanların, daş-qalaq olan qadınların, İran şəhər meydanında vəhşicəsinə boğazından asılan gənclərin foto-şəkillərindən ibarət sərgi açılmış və qarşısında şam yandırılmışdı. Güney Azərbaycan siyasi məhbuslarının bu günkü durumu ilə bağlı isveç və ingilis dillərində çoxlu sayda bildirişlər şəhər ictimaiyyətinə paylandı. İsveç ictimaiyyəti bu gün yeni ili qarşıladıqları üçün çox şad idilər, amma bu sərgiləri görmək onlarda xüsusi kontrast yaratdı. Bu, o səbəbdən idi ki, onlar öz yaşadıqları isveç cəmiyyəti ilə İran mühitini müqayisə edib, Güney Azərbaycanlıların ağır durumları ilə bağlı kədərləndilər. Bəziləri verdiyimiz bildirişdəki qısa məlumatla qane olmayıb, bizimlə canlı söhbətə meyl etdilər. Qeyd edim ki, söhbətlər ən çox isveç, ingilis, fars, rus dillərində oldu. Maraqlananlar bizdən kütləvi informasiya vasitələrimizin ünvanın istəyib, öz emaillərin verib, müntəzəm əlaqə saxlayıb, Güneylə bağlı məlumat almaq istəyində olduqlarını bildirdilər.

İnformasiya kompaniyası gündüz saat 14:00 - da başlayıb 16:00 - a kimi davam etdi.

Bu informasiya kompaniyasının təşkilatçısı Stokholmdakı Səid Mətinpurun Müdafiə Komitəsidir.

İnformasiyanı hazırladı Eluca Atalı.

Category:

News & Politics

Tags:

• 20101231
• Stockholm
• Turki

[alpaysoyturk]

Long Live South Azerbaijan ! Down with Persian Racism !!