SUSAN FERNANDEZ: A Homage by E. San Juan, Jr.

A reading of this poem by E. San Juan, Jr, with a collage of photos and images, in tribute to the revolutionary Filipino artist Susan Fernandez:

IPINAABOT KO SA IYO BAGAMAT TUMIKOM NA ANG LABI
[In Memoriam: Susan Fernandez]

Kabubukas lamang ng pintot unti-unting sumisilip ang silahis
sa disyerto ng diktadurya. Umawit ka sa paglunsad ng
Subversions of Desire Tagsibol 1988 Salamat, Susan
mula sa bunganga ng karimlan
Disyembre 2008: Walang imik sa sulok ng ingay nakatutulig na dakdakan sa Ateneo U-- Kamusta ka? Magaling na ako

Hinasang tinig mula sa batis ng lalamunan
bumabasag sa katahimikan ng mga alipin
Awit na tumatagos sa pader ng bilangguan bartolina ng pulis at militar

Naulinigan mula sa rehas ng durungawang nakapinid

Taingang sinarado ng musika nina Elvis Michael Jackson Mariah Carey U-2
Bagamat nakalulusot sa mga siwang Sumusungaw sa lamat at gatla
Nakapupukaw ang bigkas salita pangungusap
sa binusalang ulirat




Bumibiyak ang bulong mo sa ngipin ng Estadong marahas Sige, magkita tayo sa papasok na taon.

Indayog ng ngiti mo sa hagdan, paalam na namutawi sa bibig habang dinig ang hibik hikbi tili taghoy sigaw taginting

Ngayon bumabalong sumasapaw Alingawngaw ng awit moy pulburang sumasabog
sipol humihiging is-is alatiit lambing ng lawiswis

Labing di maitikom hanggang wala sina
Sherlyn Karen Luisa Jonas
mga biktima ng diktaduryang bumubulahaw sa Malacanan

Umaawit sa puso ng kasamang kapiling mo—hindi luha kundi (kahit namamaos na)
hiyaw ng paghihimagsik.

Category:

Music

Tags:

• Susan Fernandez
• E.San Juan
• Filipino artist-singer
• Philippines
• Filipino poetry
• Tagalog
• Filipinas