Алшар (Alshar), 03.03.2008 (А1 Код) 1/3

Рудникот „Алшар на планината Кожуф, еден од најмистичните локалитети во светот, ќе стане споменик на природата, е предвидено во предлог-закон што Владата го поднесе до Собранието. - Уште минатата година се одржа јавна расправа за вредностите на „Алшар и решивме дека локалитетот има геолошко-ботанички особености, кои се од исклучително значење. Заклучивме дека „Алшар ги исполнува сите критериуми да биде прогласен за заштитено подрачје во категоријата споменик на природата - објаснуваат од Министерството за животна средина. Ако законот биде изгласан, со „Алшар ќе стопанисува Управата за животна средина, која треба да се грижи за неговата заштита, да ангажира чуварска служба и надзор. Со негова заштита ќе се спречат ловците на богатство, а единствената економска активност ќе биде екотуризмот. Минералот лорандит, кој го има во рудникот „Алшар, отсекогаш ги интересирал светските научни кругови затоа што е утврдено дека во целиот свет го има само во Македонија и, можеби, уште во Шри Ланка. Досегашните испитувања потврдиле дека овој минерал во одредени ситуации испушта огромно количество енергија, која во иднина може да биде соодветна замена за нуклеарната. Пред стотина години рудата од „Алшар се испитувала во елитните универзитети во Прага, Будимпешта и во Виена и биле пронајдени дотогаш непознати минерали. Во околу 250.000 тони руда има два процента арсен, 2,5 проценти антимон и 0,1 процент талиум. Оваа концентрација го прави рудникот најбогато наоѓалиште на талиум, што се користи за вселенски истражувања и во телекомуникациските технологии. Првпат во Македонија лорандит официјално е извлечен во 1976 година од американски истражувачи, иако дотогаш сето црпење руда било противзаконско. Од овој локалитет Турците ископувале и злато. Во „Алшар има најмалку 500 тони талиум. Вредноста на еден килограм талиум на светските берзи е околу 5.000 евра, што значи дека резервите во „Алшар вредат околу 1,5 милијарда евра. Неговата цена од ден на ден се зголемува, иако потрошувачката е мала.

Category:

Science & Technology

Tags:

• Алшар
• Alshar
• A1
• код
• Македонија
• Macedonia
• Macedonian
• Кожуф
• лорандит
• lorandite
• Снежана
• Лупевска
• Snezana
• Lupevska
• Александар
• Ацо
• Станковски