ATRAKO FREE PORT 2.

Trahadonan di Freeport Jewelry na Renaissance ta bolebe bira viktima di atrako.
Informashon preliminar ta indika ku dos homber a kore yega ku un skuter te den porta di e tienda, baha bin paden i bati por lo menos tres vitrina di glas kibra ku un martin. Nan a logra kue basta oloshi prome ku nan a bula bek riba e skuter i kore bai. Niun trahado no a keda herida pero opviamente nan a keda den shok mirando ku ta di dos biaha ku e tienda aki ta keda atraka den korto tempu, mientras ku malechornan a drenta e filial na Punda tambe algun luna pasa. Telenotisia a risibi informashon un ratu pasa ku ta indika ku polis lo mester a hanja e skuter usa den e atrako di awe mainta den e luga di stashona outo na Veneto Hotel algun ratu pasa. Nos tin ku menshona tambe ku esaki ta un di por lo menos 5 atrako ku a a tuma luga entre ayera nochi i awe mainta. Telenotisia lo ta den kontakto ku Kuerpo Polisial pa mas informashon riba e susesonan di ultimo lunanan, kual ta hopi aparente ku nan ta oumentando.

Category:

News & Politics

Tags:

• TELECURACAO
• TELENOTISIA
• NOTISIA
• ATRAKO FREE PORT 2.

[shully82]

Ban serio swa jullie zijn echt een stelletje sukkels.

Hebben jullie niet geleerd van de eerste keer?????

Als ik jullie was zou ik allang een rolluik hebben geplaatst!

Toeristen die daar verblijven keren echt niet terug naar ons eiland als dit zo blijft door gaan!

Leer van dit moment en onderneem aktie LOLO"S

[Kalmeki]

Bon ta wega tin??