Aniang Malati Cu - Ernie Turla and Victor Bonifacio

E cu pa quelinguan aniang malati cu
Malati ca naman icang caquialung cu
Maligaya cu bie queti babo yatu
Uling balang saglit ati ca siping cu

Lalam balag opu tibis na nitang lual
Siping ning talaga lele ning talacsan
Babo ning garosa 'tin catang pialungan
Perang calapanti darapuc tong bican

Itang bulung saguin quinua cung pengili
Pilit cung lalala gagawan cung dase
Oneng ica naman pilit cang lalawe
Uling magtinda cang miayaliwang gule

'Tin catang pialungan picu ampong sintac
Ninu mang masambut parusan teng terac
Dapot yacu rugu mewala cung palad
Pigtiririn mu cu saca cu tinerac

Cabang teterac cu lulundag lulucsu
Agnan ing sagacgac pacpac ding gamat mu
E mu cu ticnangan angang mepagal cu
Icua cung sinunga tinulu'ing pawas cu

'Tin catang pialungan e cu pa quelinguan
'Niang mamialung cata quing bale-balayan
Gin'wa catang anac manica yang basan
Cabang pagcanta que titerac mu ne man

'Niang miras ing bengi paintunan da na ca
Ding quecang pengari uling mewala ca
Pero era balu piniapuldung daca
'Nia sa ata ngeni lima nong anac ta

Category:

Music

Tags:

• Kapampangan
• pulosa
• basulto
• Pampanga

[ernieturla]

Ala yata. Ala cung atatandanan a lagyung

anti canini. Sorry.

[anacningarenas]

Salamat pu, Mang Ernie.

Atin cayu pung caquilalang "Antonio (Anto)Canlas"?

Yanamu,

A.N.A

[ernieturla]

A.N.A., Dacal na cu asulat a canta (ampong poesia), pero ini e que sinulat. Ini matua yang folk song, calupa ning Atin Cu Pung Singsing.

[anacningarenas]

Hi Mang Ernie,

Casanting na pu talaga ning cantang ini, ne?

Aqutang cu na mo pu, Mang Ernie, icayu pu ing roiginal a sinulat queng cantang "Ecu Pa Kelinguan"? Kapilan ye pu sinulat? Para caninu ye pu sinulat? Malambat ye pung susulat?

Dacal pung salamat, Mang Ernie. Sana pu apaquibatan yu la deng qutang cu, ba cung abalu nung kapilan ya misulat ing cantang cacanta mi iniang grade 1 cu.

Yanamu pu.

A.N.A.

[ernieturla]

You'll find the lyrics on the upper-right hand corner. Click "more" to see all its lyrics.

[geriseas]

Always a warm feeling hearing songs that keep connected of your heritage...

Just a request if u can put lyrics in the song as in videoke, so we can sing along with the song...