دكيت بابك يا وطن باب الوطن مقفول
دكيت رقمك يا وطن رقم الوطن مشغول
شنهو الي يشغلك يا وطن
فدوه رحتلك كول
جاوبني بصوته العذب
ولسانه المعسول
مذبوح اني من الالم
يا وليدي مو مشغول
راح صدام البطل
واجتني شكول وشكول
الجلبي فدوه للجلب
والجعفري المخبول
وصولاغ باقر هل الجرو
صار العفو مسئول
وشهبور لازك بالعرب
اني الربيعي يكول
والمالكي مال فعل
بس للعجم مفعول
ومنشار عمار الحكيم
ياكل صعود ونزول
السيستاني يفتي بالعجل
بس كنودليزا تكول
عمايم انملى هل البلد
وسبح وعبي ونعول
صار اللطم طول السنة
بعاشور وبايلول
والكاكة يعلس بالوطن
حقي وحصتي يكول
اليهودي يلعب بيه لعب
والعجمي يصول ويجول
والشعب سد بابه وكعد
من الظلم مذلول
واللي فتح بابه وطلع
مخطوف لو مقتول
كل هذا وتكلي شعجب
باب الوطن مقفول
كل هذا وتكلي
ليش الرقم مشغول
All Comments