voir les paroles ci bas!
Ttzuxxun heddren
Kra n yimdanen
Ad beddlen agus i tmurt
Leḥbas ad zemmen
Neɣ ad ten-hudden
Ccetwa ad as-kksen tagut
Gullen ur ur ḥennten
Lebɣi ar d ad t-awḍen
Tamellalt ad tt-id-kksen
Ur tettenkar tsekkurt.
Uh a tarwa n lḥif
A tarwa n lḥif
Ma ad d-yarew ugudu lexrif !
Ṣṣwab ččuren
Win i asen-yesmeḥsen
Deg wussu n wuguren yettnus
Win i asen-irewlen
Imi ten-yessen
Qqaren-as d lkuraǧ i ixuṣ
Taduḍt mellulen
Lemmer d izmawen
Mačči d ulli i tt-yesburen
Qlil win ad yelsen abernus.
Uh a tarwa n lḥif
A tarwa n lḥif
Ma ad d-yarew ugudu lexrif !
Llan kra n yimdanen
Mi ara k-ḥwiǧen
Ad k-in-qablen s teḍsa
Ad ak-selfen ad k-sxedmen
Ad tekkeḍ sdat-sen
Am wakka yid-i teḍra
Yir tirugza ad ak-tt-sselsen
S yis ad ak-cebḥen
Tuggdi ur tt-d-ttadreḍ ara
Ma yella kra tɣunzaḍ-ten
Ṭṭbel ad t-wwten
Ad as-inin ur yeṣfi ara.
Ṣebret kan a yimawlan
Lmuja n zzman
Si gar-awen teddem-iyi
Wid-n ɣilleɣ ẓewren ɣran
D tagmat yeṣfan
I tt-id-iwehhan ɣur-i
Гef yisem-iw iɣef mǧazan
Ad as-ḍlun qeḍran
Wi i as-teslan ad yesmumi
D ddunit iy-yessekran
Amkan gar yiḍan
Mi lluẓen ad d-zehhren fell-i.
Annaɣ a baba d yemma
Ur ken-cbiɣ ara
Tili ass-a aqli gar-awen
Ad iyi-tesmeḥ kan tasa
Nekk ṣṣeḥḥa d lehna
Ur ttekkayeɣ deg yilemẓiyen
Tekfa tɣimit n lṭamaε
Teɣli-d lεica
Agris igezzem iḍarren
Yefra ssuq tekfa ṛṛeḥba
Ttusenzeɣ s rrxa
S addaynin ad iyi-qnen
Yettwaqeccem, yettwaqeccem
Ubuqal n ddunt-iw
D lkas n ssem, d lkas n ssem
I ssegraɣ i twaɣit-iw
Ma d asirem, ma d asirem
Inufeq seg uxxam-iw.
Lbabur iyi-yewwin
Гef lebḥer n tismin
Yeqṣed tamurt n wammus
Ǧǧiɣ acwari n tergin
I jwaǧ-iw d aεwin
Ad tkemmel i tebrek ma txuṣ
Yir awal d tilawin
Ara as-t-yinin
Ad yeqqaz deg-s am ssus
Wamma rregmat n tnuḍin
D aṭṭan imqennin
Ḥusseɣ-as uqbel ar ad as-tḥus
Si lǧiha-w henni iman-im
Nadi ɣef rrbeḥ-im
Seg yiri-w εemdeɣ-am, ruḥ
Ili nnig tizyiwin-im
Seḥbiber ɣef temẓi-m
Faṛes-itt uqbel ad am-truḥ
Ma tefkiḍ lebɣi i lḥif-im
D lmuḥal iẓri-m
Ad iḍil ɣef ugni n lfuruḥ
Ur ttraǧu degi tisin
Гas sebṛiṛeḥ allen-im
Lweqt n umεic mecṭuḥ
Di ddunit kkes-d lḥeqq-im
Jbed-d aḥric-im
Lkuraǧ ssiǧew-as-t i rruḥ.
Aqrur-nni i aɣ-icerken
Siwa cehrayen
I yewweḍ asmi d aɣ-yeǧǧa
Neqqim-d am yigerfiwen
Rẓen wafriwen
Fell-i rnu ṣber tura
Rnu-iyi ɣer wid-n iruḥen
Mi asn-d-ssawlen
Asmi akken d-tewweḍ lgirra
Mi d-yeḥḍer ad d-uɣalen
Akken llan jewǧen
Tuɣ-iten lmut s nnuba.
D nnger d twaɣit
I aɣ-tefka ddunit
Ccmata tenfeq-as-d
Argaz akken yexdem terwi-t.
D tidet zeddigen am lekfen
I d iyi-yessawḍen
Ad εummeɣ gar temseḥṣal
Imdanen akk i d iyi-yessnen
Amer ad meyyzen
Amek akka ḍerrunt temsal
Kra ad as-inin iruḥ dayen
Ad smiskinen
Am wakken sεiɣ azal
D bu-lkuraǧ ad as-qqaren
Yedhem u iẓeddem
Tamtelt-is dayen ur d-tettlal.
Akka i d udem n ddunit
Alama tesfeḍ-it
Ara as-gen yimdanen azal
Гas asmi i aɣ-d-iqreb d ucmit
Ass-a ma ncebbeḥ-it
Neẓra dayen ur d-yettuɣal
Yewwi aqreb n temdellit
D lḥif yeččur-it
Yerkeb di lbabur n ccwal
Lebḥer iɣerqen ikcem-it
Lmuja teḥweṣ-it
Ad aɣ-d-yeqqim kan deg wawal.
S yisem-is ad teggen ismawen
I warraw nsen
Di zzman n zzman ireṣṣa
Ma yettekka deg yimeqranen
I d aɣ-iḥekmen
Tamḍelt ines di Lεalya
Ma seg wid i ten-iḍurren
Ad as-simsen
Tagnit ad t-terr d ccmata
Acḥal seg widak xenqen
Xuḍi asmi akken ddren
Kkaten-asen dderz d ttaḥya.
Lemtul ara wen-d-fleɣ
D ayen d-mlaleɣ
Deg uxxam n ddunit-iw
D allaɣ amcum i smesdeɣ
Akken ad ten-id-jabeɣ
Asmi d-tusa twaɣit-iw
Tcebbeḥ-d deg-s εecqeɣ
I medden gulleɣ
Ar d tuɣal d taxḍibt-iw
Slet-d a wid akk ssneɣ
Ma twalam ɣelḍeɣ
Susfet akk ɣef temḍelt-iw :
Win yufan gma-s yerɣa
Tekcem-it tawla
Yettaǧǧa-t deg liḥala-s
Medden yeqqar-asen gma
Ur t-ixuṣ wara
Ttamnen-t ɣillen-t d aterras
Ṭṭbib mi ad as-d-yefk ddwa
Bɣir cceḥḥa
I as-yettzad ɣer daxel n lkas
Asmi ara t-yerr s aẓekka
Ul-is daxel yezha
Allen-is ad ttrunt fell-as.
Lekdeb yeḥkem ddunit
Win yewwet izgel-it
Ad d-yaf lbaṭel tama-s
Win t-yessexdamen iḥemmel-it
Deg lerbaḥ yeẓẓel-it
S wawal ad yaɣ tissas
Гef tidet yessedrag-it
Yeẓra d timciṭnit
Tesmiri tirgin ɣef rrṣaṣ
Ddunit teger n twaɣit
Win yessnen taḥrayfit
Lxir ad yugar fell-as.
Loading...
9:52
Matoub Lounes (Zriγ dacu ik m-iceγvan - Almi glalzeγ)by Snitralevda10,174 views
dechire cette vidéo vive matoub !
Ultradivin 2 weeks ago
@calibre18able regarde l'album de 1996, ayahviviw sedhouyi tskhilek n taragh houdniyi lssassiw hedragh, lol
caras210 4 weeks ago
Taduḍt mellulen
Lemmer d izmawen
Mačči d ulli i tt-yesburen
Qlil win ad yelsen abernus.
TRES HAUT NIVEAU
REPOSE EN PAIX AY IZEM
biologiste1000 1 month ago
azul,
je cherche un poème de matoube, où il dit: ayahviviw ezo thadhsa.... houdnyi lessassiw hedhregh
calibre18able 5 months ago
dh cheikh
koupaable 5 months ago
merci pour le partage !!
lounas56 6 months ago
chanson hors du commun !! repose en paix lounes!!
lounas56 6 months ago
Thanmirthe ichghal aghi. Une chanson retraçant la vie de KRIM BEKACE assassiné par voudhdiane ( boumerde )
Amekhaka 6 months ago
Mon frere tu me fait grand plaisirt si tu m'envoi cette chanson trop fort
moumouzinou 10 months ago
ça déchire, trop fort!
csad10 1 year ago