Mani Matter - Dynamit

Einisch ir Nacht won i spät no bi gloffe
D'Bundesterrasse z'düruf gäge hei
Han i e bärtige Kärli atroffe
Und gseh grad, dass dä sech dert, jemers nei
Dass dä sech dert zu nachtschlafener Zyt
Am Bundeshus z'schaffe macht mit Dynamit

I bi erchlüpft und ha zuen ihm gseit: Säget
Exgüse, aber es gseht fasch so us
Wi dass dir da jitze würklech erwäget
Das grad id Luft welle z'spränge das Hus
Ja, seit dä Ma mir mit Für, es mues sy
Furt mit däm Ghütt, i bi für d'Anarchie

Was isch als Bürger mir da übrigblybe
Als ihm's probiere uszrede, i ha
Ihm afa d'Vorteile alli beschrybe
Vo üsem Staat, eso guet dass i cha
Ds Rütli und d'Freiheit und d'Demokratie
Han i beschworen, är sölls doch la sy

D'Angscht het mys Rednertalänt la entfalte
Chüel het dr Wind um üs gwäit i dr Nacht
Während ig ihm en Ouguschtred ha ghalte
Dass es es Ross patriotisch hätt gmacht
Zletscht hei dä Ma mini Wort so berückt
Dass är e Tränen im Oug het verdrückt

So han i schliesslech dr Staat chönne rette
Är isch mit sym Dynamit wieder hei
Und i ha mir a däm Abe im Bett en
Orde zuegsproche für my ganz allei
Glunge isch nume, dass zmonderischt scho
Über mi Red mir du Zwyfel si cho

Han ig ihm d'Schwyz o mit Rächt eso prise
Fragen i mi no bis hüt hindedry
Und no uf eis het dä Ma mi higwise
Louf i am Bundeshus sider verby
Mues i gäng dänke, s'steit numen uf Zyt
S'länge fürs z'spränge paar Seck Dynamit

Category:

Music

Tags:

• Mani
• Matter
• Dynamit
• Anarchie

[MissEdelweiss1]

D'Angscht het mis Rednertalänt la entfalte,

chüel het dr Wind um üs gwäit i dr Nacht,

während ig ihm en Ouguschtred ha ghalte,

dass es es Ross patroitisch hätt gmacht!

=)

De Mani Matter isch eifach es Genie gsi!!

[kulturfenster]

super, merci füre Ufwand!

[Khobotov]

de hou doch ab du Glögglifrosch

[slartibartfa55]

Ersch bim uswändig lehre merkt mä, dass das eis vo sine kompliziertischte Lieder isch, äs Meischterschtück vom Värslischmied!..Jedi einzelni Zile isch so raffiniert, vertuusch zwöi chlyni Wörtli, u scho geit dr Takt nümme uf - geit äuä no chly lenger zum lehre als "Hemmige" ^^

Übrigens schribt sech's gloub "z'mornderisch" - u chunnt us de 50ger-Jahr, odr usem Ämmital odr so;-)

[Voltigefan]

Han ig ihm d'Schwyz o mit Rächt eso prise

Fragen i mi no bis hüt hindedry

Und no uf eis het dä Ma mi higwise

Louf i am Bundeshus sider verby

Mues i gäng dänke, s'steit numen uf Zyt

S'länge fürs z'spränge paar Seck Dynamit

Do hed er eifach rächt.

Es Genie wies kenne ged

[TuNikitals871]

so is ja cool

[Kejenaa]

Äs lyrischs Genie sondergliche

[formeandyou83]

@ehkbch Jo scheiss comment.

[ehkbch]

@formeandyou83 richtig, dräcksland!! scheiss politker!!! bsunders die partei mit am meiste macht und gäld (SVP). wer meh stutz hät chand bevölkerig solang manipuliere und i angst versetze bisi dä letzti depp wie du zum hinderletze blödsin ja und amen seit, und dass nännt sich dänn au na demokratie... rassismus, lobbying, krise, dä riche gäld in arsch schiebe, asozialität und volksverblödig... dräckland ;-)

[ehkbch]

s steit nume uf zyt, äs länge fürs spränge paar seck dynamit.

[Cervelatfan]

Mw düechts es get nome no Pajasse....

[zezizzebezt]

HEIM INS REICH, SCHWEIZ