Државна делегација на чествувањето на свети Кирил во Рим

24.05.2007-
Македонија за прв пат со државен празник ги слави Светите браќа Кирил и Методиј

Останете верни на наследството кое го имате од Св. Кирил и Методи, двајцата апостоли на евангелието, порача папата, кој својот говор, овој пат го прочита пред медиумите. Оптимизам и пријателство, да го споделиме духовното богатство на кое вие сте наследници, како и со другите народи, блиски по традиција и култура на вас.
Со уверување за неговата почит, Бенедикт Шеснаесетти, го заврши обраќањето пред македонската делегација, предводена од претседателот на Собранието Љубиша Георгиевски, архиепископот Стефан и апостолскиот егзарх Киро Стојанов.
Поради јавното обраќање на Бенедикт Шеснаесетти, најавената кратка тет-а-тет средба со спикерот Георгиевски, не се оствари, но пред почетокот на аудиенцијата спикерот на папата му предочил, како што сам изјави, „папата е златниот клуч на Македонија кон Европа".
За разлика од посетата на премиерот Груевски минатата година во декември, сега темата за спорот на МПЦ со СПЦ, не беше отворена.
Љубиша Георгиевски имаше и тет-а-тет средба со државниот секретар на Ватикан, кардиналот Бертони.
„Се надевам дека односите после овие знаковити промени, после овие знаци кои ни беа дадени, недвосмислено, ќе одат на една брза, нагорна линија, а тоа ќе ни треба", изјави Љубиша Георгиевски.
Чествувањето во Рим заврши со молебен на гробот на Св. Кирил во базиликата „Сан Клементе", чиноначелствуваше Г. Г. Стефан, заедно со владиците Тимотеј и Кирил, во присуство на претставници на Ватикан и свештеници од Католичката црква на Македонија.
Дојдовме од земјата на љубовта, од крајот каде е божествената убавина и бескрајната добрина, истакна по молебенот архиепископот Стефан и му се заблагодари на Св. Кирил за божествените прсти, на мојот народ му ја напиша слободата за гревното ропство.

Category:

News & Politics

Tags:

• Republic
• of
• Macedonia
• Macedonian
• Makedonija
• Makedonski
• Makedonien
• Makedonisch
• Mazedonien
• Saint
• Cyrill
• Method
• Rome