El Teghyeer Jay/ جايي التغيير

كلمات بطرس روحانا وموسيقى شربل روحانا وغناء شربل روحانا ومجموعته
اسمع تفرح جرب تحزن
يلّي عم تاكل عم تشرب وبأيّا مطعم كنْت
مندقلك منغنيلك ومنسهر نحن وانتْ
هنّي الأكلات ذاتن والغنيّات ذاتن
حتى السمّيعة ذاتن لشو التغيير
لشو التغيير
ّيلّي عم تكدح يوميّة وبأيّ شغلة كنتْ
كنّو فكرك إنو بكرا بيحمينا نحن وإنتْ
هنّي الأوادم ذاتن ما بيحميهن غير ذاتن
بيضلّن هني ذاتن لشو التغيير
لشو التغيير
يّلي عم تطمح عالفاضي ومن أيّا ديانة كنتْ
المستقبل متل الماضي والحاضر هو إنت
ما هنّي الطوايف ذاتن وبيجتمعوا مع ذاتن
حتى يختاروا ذاتن لشو التغيير
لشو التغيير
يّلي عم تنطر بالفييّ وتحت العريشة كنت
شي علاقة رومنسية مع أحلى وأجمل بنت
هنّي البدايات ذاتن والنهايات ذاتن
حتى لو منن ذاتن لشو التغيير
لشو التغيير
يّلي عم تحلم ليليّه وبأيّا فرشة كنت
بشي صبية هيفاويّة تتنسى وينك إنتً
هني الصبايا ذاتن حتى البوسات ذاتن
وبما انو هنّي ذاتن لشو التغيير
لشو التغيير
يّلي عم تحصر أفكارك على أيّا محطة كنت
مهما تحصر مهما تحلل رح تبقى حيث إنتْ
هنّي اللي بيحكوا ذاتن وما بيسمعو غير ذاتن
خدهن على علاّتن لشو التغيير
لشو التغيير
يّلي عم تسعى للهجرة وعلى أيّا دولة كنت
مهما تسعى أنا بالعشرة ببصملك وين ما نزلت
هني البلدان ذاتن شمالاً وجنوباً ذاتن
شرقاً وغرباً ذاتن لشو التغيير
لشو التغيير
يّلي عم تسمع دي الوقتي ومفكر في شي جديد
طمّن بالك هيّ هيّ ولا نقطة فيك تزيد
هني الأفكار ذاتن والألحان ذاتن
حتى الموسيقية ذاتن لشو التغيير
لشو التغيير
آخر فكرة لولادي وأيضاً لولاد الناس
يّلي حلمن عم بيزهّر حلمن عالعين والراس
بركي التغيير جايي على حظّن هنّي جايي
رغماً عن حزني جايي انشالله التغيير
على ايدن هنّي جايي
كرمال عيونن جايي انشالله التغيير
على وجّن هنّي جايي
ولو مهما طال جايي انشالله التغيير
انشالله التغيير

Category:

Nonprofits & Activism

Tags:

• Charbel
• Rouhana
• El
• Teghyeer
• Jay

[911kumail]

I thought its for Ziad ra7bani!!!!!

[MrHay2008tham]

بتجنن

[anfalmo]

:S

:(

[sabloka]

رائعة ..... لشو التغيير

[espTAIRI]

elle va aimer