Ngayong Nandito Ka (Full Movie)

Puno ng ligaya at pag-ibig ang samahan nina Rocky (Jericho Rosales) at Garie (Kristine Hermosa) bilang magkasintahan. Binuo nilang dalawa ang kanilang mga pangarap kasabay ng pangakong magsasama habang buhay. Laking tuwa nila nang matanggap ang kanilang banda sa Japan. Ngunit sa araw ng kanilang pag-alis, kinailangang maiwan ni Rocky sapagkat naaksidente ang kanyang ama (Jaime Fabregas) at siya lamang ang inaasahan ng mga ito. Hanggang sa napasubo sa alanganin ang pamilya ni Rocky at ang tanging paraan lamang ay ang ipagkasundo siya sa anak ng congressman na si Angela (Cindy Corleto). Gumuho ang mundo ni Garie nang malaman niyang ikakasal na sa iba ang kanyang pinakamamahal. Lingid sa kanyang kaalaman, ipinaglaban siya ni Rocky hanggang sa huling sandali. Bagama't hirap, pinilit ni Garie na makabangon muli mula sa pagkabigo. Pagkalipas ng tatlong taon, nagkrus muli ang landas nilang dalawa. Marami nang nagbago ngunit hindi ang pagmamahal nila sa isa't-isa. Sa pagkakataong ito, si Garie naman ang nakatakdang ikasal kay Derick (Onemig Bondoc) na siyang nagbigay sa kanya ng panibagong buhay at sigla.

Isang simple at pamilyar na kuwento ang Ngayong Nandito Ka na binigyan ng panibagong bihis. Maayos ang takbo ng kuwento bagama't hindi gaanong napagtuunan ng pansin ang ilang aspeto nito gaya ng relasyon nina Rocky at Angela. Mas napaigi rin sana kung ipinakita ang ilan pang eksena sa Japan kaysa sa ikinukuwento na lamang ng mga tauhan ang mga ito. Sa kabila ng lahat ng kakulangang ito, isang kaaya-ayang pelikula pa rin ang Ngayong Nandito Ka dahil sa husay ng mga pangunahing tauhan lalo na ni Jericho Rosales. Nakasira naman ng bahagya ang hilaw na pag-arte ni Onemig Bondoc, na sa halip na lumabas kaawa-awa ay naging nakakabugnot ang kanyang papel. Ngunit isang tunay na pelikulang pampakilig pa rin ang Ngayong Nandito Ka lalo pa't kinunan ang karamihan ng eksena sa romantikong siyudad ng Baguio.

Ngayong Nandito Ka ay hindi lamang nakasentro sa romantikong pag-iibigan kundi maging ang wagas na pagmamahalan sa pamilya. Nasa lugar ang pakikipaglaban ng mga tauhan sa kanilang damdamin. Bagama't namamayani ang puso, hindi binalewala ang isip at kunsensiya sa kung ano ang mas tamang gawin. Kahanga-hanga rin ang ipinakitang pagpapahalaga sa pagbibigay at pagpaparaya kaysa sa pagiging ganid sa kaligayahan. Ang tunay na pagmamahal ay nasusukat sa kung ano ang kaya mong ibigay at hindi sa kung ano ang maaari mong matanggap. Nakakapukaw din ng damdamin ang mga eksenang naghihinga ng damdamin ang mga anak sa kanilang mga magulang. Isang mabuting halimbawa ito sa mga kabataan at mga magulang na maging mas malapit at laging nariyan para sa isa't-isa lalo na sa oras ng pighati. Sa isang mundong puno ng tukso at kawalang pag-asa, narito ang isang pelikulang nagsasabing wala pa ring pinakamahalaga sa mundong ito kundi ang pagkakaroon ng mga taong magmamahal at mamahalin.

Category:

Film & Animation

Tags:

• :D

[lovesept09]

i review this movie for 3 times but still i can't hold my tears, nakaka inlove nakarelate tagala ako. love u guys..........

[eugenioignaciojr]

This movie was so nice but... the question is... when it will happen again.. their loveteam T_T miss them both in one camera,, in one story...

[1985analyn]

AFRAID FOR LOVE TO FADE..un po ung title ng song..super favorite ko po ung song na yan..

[PrincessMiralles]

anung pong title nung kanta ? english .. AND THE MORE THE I IGNORE THIS FEELING ..........

[eninaj23]

Dont know what to do if makikita ko si ex with her new bf. 1.4 months nde ko pren xa malimutan. Jinky ortega chavez i really miss you.

[mscutiejett]

i love the screen name "b0oo", i miss some0ne ...(^_~)! i can really relate, nice one!...

[sweetcharmie1]

ang ganda nang movie na 2..haistttttttttttttt

[e13691]

eh ganada ng story at bakit nanaman kayo umiyak ay mga binget pala kayo eh story lang ito hinde true to life story or maala-ala mo kaya hay nkau kapag laove story nga naman ang pinoy umiiyak :)

[FainaF10]

subtitle plz :)

[menelaosdrwub]

watch here bit.ly\A3zQgW



[Carmejoy]

so nice movie,nkkatouch s mga lovers n nagkahiwalay...then at the end wat ever happenes,,,,,,sila prin...love nga nman dmo mpigilan kung sila tlga!!!!!kkainlove!!!!i like their lovetheme,,,,,they're my idol...