BLOGUE "FUEYA EN BLANCO" http://vitorsuarezp.wordpress.com
FACEBOOK
http://www.facebook.com/Fueyaenblanco
TWITTER
http://twitter.com/#!/VSPViti
Los xixoneses tendrán garantizáu'l por fin so drechu a espresase n'asturianu énte l'Alministración llocal, tanto de forma oral como escrita. Ye una de les principales cuestiones que queda recoyida na nueva ordenanza municipal del usu del asturianu nel conceyu, qu'ayeri dio'l primer pasu de la so andadura alministrativa. El testu, al qu'entá-y queden unos meses pa ser aprobáu dafechu, recueye principalmente'l so oxetivu de garantizar «el derechu de tolos ciudadanos y ciudadanes a espresase llibremente n'asturianu o castellanu, y a que nun seyan discriminaos por mor del so idioma, protexendo y afalando l'emplegu del asturianu en tolos ámbitos».
Asina lo recueye'l testu y asina lo esplicó ayeri'l voceru de la xunta de gobiernu, José María Pérez. La ordenanza regula, al traviés de doce artículos, cuálu sedrá l'emplegu del asturianu na Casa Conceyu, fundaciones, patronatos y empreses municipales. Pa entamar, les ordenances, reglamentos y bandos «tarán redautaos en forma billingüe pa la so consulta polos ciudadanos». La normativa, dixo Pérez, nun trata d'obligar, sinón de regular, polo que los más de los artículos refierense al «afalamientu», l'«espardimientu», l'«aida» y los «convenios». L'afalamientu y l'espardimientu fadránse al traviés d'actividaes culturales, empobinaes non sólu a los ciudadanos en xeneral, sinón tamién a los emplegaos públicos y a los representantes políticos.
Tocante a les aidas, dirán empobinaes a entidaes y asociaciones que coincidan cola Casa Conceyu nel envís del espardimientu de la llingua. Y con eses mesmes entidaes podrán, tamién, afitase convenios de collaboración. Nesti sen, el conceyal de Cultura Tradicional y Llingua Asturiana, Jesús Montes Estrada, yá adelantara la so intención de ponese en contautu con empreses como Renfe y Feve pa tratar d'algamar alcuerdos con elles.
Lo cierto ye que la Casa Conceyu yá tien feches delles actividaes relacionaes col fomentu del asturianu. Pero tovía nun taba reguláu, de forma oficial, el so usu nos documentos oficiales qu'entren per rexistru nel Consistoriu, por exemplu. Col nuevu testu, l'equipu de gobiernu dexa nidio que «l'asturianu y el castellanu son llingües del conceyu Gijón/Xixón», faciendo usu d'esta miente, amás, de la toponimia oficial aprobada yá en 2006.
L'articuláu aprobáu ayeri pola xunta de gobiernu indica tamién que'l Consistoriu «caltendrá relaciones cola Academia de la Llingua Asturiana al envís de recibir asesoramientu llingüísticu afayadizu». No tocante al trabayu de torna y asesoramientu nel ámbitu llocal, la función recai, como hasta ahora, na Oficina Municipal de la Llingua. De fechu, esti ye ún de los motivos polos que la ordenanza nun conlleva una partida económica, esplicó José María Pérez. Porque la Oficina continuará faciendo'l llabor que yá vien realizando. Y porque, amás, «va yá años que s'ufren cursos d'asturianu a los emplegaos conceyiles».
En cualesquier casu, el d'ayeri foi namás que'l primer pasu. El testu pasará agora pela Comisión de Facienda, que-y ha dar el preste. Depués habrá un periodu de diez díes pa facer modificaciones. Y depués llegará l'aprobación de la xunta de gobiernu y del Plenu, nel mes de xunetu. Pero sedrá l'aprobación inicial. Abriráse entós el plazu d'información público, un mes demientres el que tolos ciudadanos podrán presentar les sos allegaciones. Cuando éstes seyan contestaes y, nel so casu, incorporaes al testu, llegará l'aprobación definitiva y, poro, la so aplicación.
Nun ye tan abegosu...
¡NA REFORMA L'ESTATUTU L'ASTURIANU LLINGUA OFICIAL YÁ!
Loading...
cuando estos politiquinos que salen pela tele, salgan falando n'asturianu sedrá un avance.....¿por qué esti que sal nun lo diz n'asturianu?
rafagarcia1975 2 years ago
Solo falta derrocar al gochu fartón, el principal problema d'Asturies.
· ABAJO LA TIniRANÍA
Tranqueru 2 years ago
vamos llingua, vamos consiguilo!
BlAcKZHM 3 years ago 2
El que resiste gana. Dí que sí paulxuacu
mybrokentooth 3 years ago
L'Asturianu llingua oficial Yá
dinamiteru34 3 years ago 2
lo que nun diz ye si les respuestes son n'asturianu o castellanu a les instancies/entrugues que-y faigas a la alministración...
Si nun ye bidireccional... Hai derechu a espresase nél... ¿Pero hai drechu a que te respuendan n'asturianu?
yurisov 3 years ago 2
el k siguela y siguela consiguela
y poco a poco tamos consiguiendolo
paulxuacu 3 years ago