بعض النصائح و التعليمات لعلاج حالات الإكتئاب و المشاكل البصرية
نقي كلامك بدقة و لما تسمع كلمة فكر في معناها قبل ما تستخدمها.
يعني مثلاً - مفيش حاجة اسمها اكثر بياضا - لان الابيض، زي الاسود و عكس كل الألوان الثانية - ملوش درجات.
لو شايفله اي درجة يبقى مش ابيض.
ثانياً -
مافيش حاجة اسمها الثورة نجحت.
الثورة مكنتش داخلة امتحان علشان تنجح. الثورة لا تنجح بل تحقق اهداف. و طالما أنت مش مبسوط يبقى لسه محصلش ثورة. طالما حاسس ان القانون ضدك و مش معاك يبقى لسه محصلش ثورة - و طالما حاسس ان في ناس فوقك و فوق القانون يبقى برضه - محصلش ثورة.
ملحوظة لغوية --
مافيش حاجة اسمها - 'أنا هناك' - طالما الفعل في الحاضر و بتتكلم عن نفسك - يبقى المكان لازم حتماً و مش بمزاجك - يكون 'هنا' - مش هناك. هناك دي تبقى بتاعت صاحبك اللي بيكلمك على التلفون.
ياريت نعرف نفرق بين الثورة و الصحوة.
مصر صحيت بس لسه ماثارتش - العربية دارت صحيح - بس لسة ماطلعتش من الجراج.
ده مش معناه انك تكتئب - ده خبر مش وحش لأنك لما انتفضت من سريرك - شلت رئيس جمهورية - الصحوة كانت مؤلمة و كلفتك كتير - بس متنساش انك نمت مدة طويلة.
بطل تتفرج على افلام اليقظة - لأنك هنا مش هناك.
بطل تتفرج على افلام اليقظة - لأنك هنا مش هناك.
كل الناس عارفة ان الكذب مالوش رجلين و لكن - نتناسى ان الاستعباط ما هو الا كذب ضعيف يعتمد على انك مش هتواجهه - يا اما علشان انت راجل ذوق يا اما علشان هو أقوى منك.
الكذب - زي الحقيقة و زي اللون الابيض - مالوش درجات.
انما - الاستعباط - كله درجات و ألوان و اشكال - كلها مقصود منها انك توافق ان في حاجة اهم من الحقيقة.
مافيش حاجة في الدنيا اهم للحرية من العدالة - و الحاجة الوحيدة اللي اهم من العدالة هي الرحمة - لكن الرحمة بطبيعتها بتكون للضحية - مش للجاني.
اي محاولة لإقناع نفسك بغير كده هي محاولة منك لإستعباط نفسك.
بطل تتفرج على افلام اليقظة - لأنك هنا مش هناك.
انت برنس ........... بس
omardoma 1 month ago
فعلا العربية دارت .. بس لسه جوه الكراج .. واحنا فعلا نمنا مدة طويلة !!
CartoonKiller 1 month ago