Strehimi për familjen Ibrahimi në Osllarë RTK [2011]

Projekti "Strehimi" në fshatin Osllarë

Sot më 27 dhjetor 2011

QSA organizoi ceremoni solemne me rastin e inaugurimit të shtëpisë së familjes Ibrahimi nga fshati Osllarë, komuna e Bujanocit. Të pranishëm në këtë solemnitet ishin përfaqësues të SH. H. Solidariteti nga CH, përfaqësues të bizneseve lokale aktivistë të QSA-së, familjarë dhe bashkëfshatarë të familjes Ibrahimi.

Familja 5 anëtarëshe Ibrahimi deri më tani ka jetuar në kushte të vështira, në një hapësire të vetme.

Donator kryesor i këtij projekti është Mustafë Fazliu nga fshati Tërnoc i komunës së Bujanocit, i cili ka kontribuar për sigurimin e pjesës dërmuese të mjeteve financiare, të nevojshme për ndërtimin e kësaj shtëpie. Kontributi i Mustafës mund të shërbejë si një shembullë i mirë për të gjithë njerëzit e vullnetit të mirë, të cilët mund të mbështesin familjet tjera në Luginë të Preshevës, që rregullisht përballen me vështirësi të ndryshme, si në aspektin e strehimit, poashtu edhe në sigurimin e kafshatës së gojës.

Falë kontributit të Mustafës dhe kompanive lokale u mundësua përfundimi me sukses i shtëpisë Ibrahimi ku përveç objektit, u bë edhe shtruarja, mobilimi dhe pajisja me kuzhinë dhe pajisje tjera elektro-shtëpiake.Me përfundimin e shtëpise, shpresojmë që familja Ibrahimi të filloje një epokë të re, ku do të mbretërojë gëzimi dhe rehatia familjare. Q.S.A. u është mirënjohese për çdo kontribut të gjithë atyre që mundësuan realizimin me sukses të këtij projekti, "Bici commerc", "Elhan Commerce", "Afamo", "Blendi", "Termo Al Plast", "Mahagoni", "Tesla", "Rinori", "Mergimi Commerce", "Peonia", "Abi kom", "Eureka", "Dekori", njëkohesisht falenderon dhe mediat lokale si RTV Spektri, RTV Bujanoci, presheva.com-in, që publikuan rastin e familjes Ibrahimi dhe ndikuan në sensibilizimin e opinionit, për t'u solidarizuar me familjet në nevojë.

Më poshtë mund të ndiqni një sekuencë nga ceremonia
http://youtu.be/EGcL_d1CpbA

Category:

Entertainment

Tags:

• qendra
• solidaritetit
• dhe
• avancimit
• strehimi
• per
• familjet
• varfura
• ne
• ndihme
• personat
• nevoje