DI 8 MORTO DEN TRAFIKO.

Tráfiko di Kòrsou a eksigí di 8 morto.
Tabata alrededor di mitar di sinku, sentral di polis a risibí un yamada ku riba Sta Rosaweg tabatin un aksidente entre un motosaikel i un outo di famia i ku tin vários persona herida. Mes ora a bai na e sitio riba Sta Rosaweg na altura di Pasenshiweg i einan a bin topa un hòmber motosiklista i su kompañante benta abou, ámbos ku basta sla na kurpa. E dama ku tabata kompaña e motosiklista tabata keha di bastante doló, miéntras e hòmber mes no tabata duna señal di bida mas. Paramedikonan di ambulans tambe a presentá na e sitio di aksidente i a transportá e dama ku urgensia pa poliklínika. Dòkter di polis tambe a presentá na e sitio i a konstatá morto di David Terrence Martis. Nase na Kòrsou dia 1 di novèmber 1972. Ku e aksidente aki e víktima ta bira di 8 morto den tráfiko pa e aña koriente. Nos kondolensia na famia di e defuntu

Category:

News & Politics

Tags:

• TELENOTISIA
• TELECURACAO
• NOTISIA
• DI 8 MORTO DEN TRAFIKO.