塱原觀鳥遇到小狗BB

今日一心諗住去塱原觀鳥，結果去到現場都未開始搵雀，就聽到好淒厲的BB慘叫聲（當然唔係人類BB，係講緊我同類啦．．．）依我估計，又係同老母失散左果ｄ．．．

我開頭都見佢唔到，因為佢躲個位置係好隱蔽，係ｄ水田入面的蘆葦叢內，後來我用望遠鏡一望，見到佢好似隻水獺咁慢慢游緊出黎．．．
可能佢見到我咁大隻黑狗，以為係同伴，好心急咁向住我一直游、一直爬出黎，可惜我冇水鞋，完全入唔到去接佢．．．
見佢爬到成身泥濘，濕晒．．．凍到係咁打冷震，一路爬一路喊，結果都排除萬難行左出黎我企緊果條泥路度。出度黎我面前即刻好開心，擺晒尾咁，好癡我、好嗲我．．．仲要係隻­好可愛的BB女！
我帶住佢問過ｄ耕田阿嬸，佢話原來佢今日喊左成朝啦．．．問ｄ村民又冇人知佢咩料．．．
最可惜係我而家仲係寄人籬下，又收養唔到佢．．．交去SPCA我又嫌遠．．．最後好彩都聯絡到朋友暫時寄養住先．．．

我將佢塞入風褸正面，好似湊仔咁，揸電單車交俾我朋友。由上水到錦田，我為左要抱緊佢，全程除左轉波之外，９成時間係用單手揸車．．．好驚．．．不過最後都安全交到朋友手­上，我仲有時間趕得切返返去塱原繼續觀鳥。不過成件褸成個褲腳都係泥，好異相 -___-

如果有朋友有興趣收養呢隻咁可愛的BB女，請你聯絡我啦！我真係好鍾意佢呀!!

Category:

Pets & Animals

Tags:

• Dog

[winky0515]

=) nice

[joeblackmetal]

好野!

[san419]

好人有好報