Kape't Pandasal

Maging bukas sa Naisin ng Diyos at higit kang liligaya

Magandang umaga po. Ako po si Bro Ernald, ang inyong muling makakasalo upang mag Kape't Pandasal. Ano po ang masasabi ninyo tungkol sa mga himala? Mayroon daw pong dalawang manlalakbay ang nagkatagpo ng landas. Sa kanilang pagtatagpo, nakapagkwentohan sila tungkol sa kanilang bayang pinagmulan. Ang sabi ng mas nakababata, "Sa aming bayan, isang tunay na himala kapag dinidinig ng Panginoon ang ang aming mga dasal". Ang sabi naman po noong nakatatandang manlalakbay, "sa aming bayan naman, kapag dininig ng taong bayan ang hiling ng Panginoon, doon nagaganap ang himala!"

Sa ating pang-araw-araw na panalangin, napapansin po ba natin kung gaano tayo kadalas humiling sa ating Panginoon? Kung minsan pa nga, halos, ipagpilitan pa natin sa Panginoon kung ano ang dapat Niyang gawing tugon sa ating mga panalangin. Diba't ang ilan sa atin ay nagsasabi pang, "Bigyan nyo lang po ako ng trabaho, magsismba na ako lingu-lingo" o kaya, "panalunin nyo lang po ako sa loto, hindi na ako makikipag-tsimisan. Ititigil ko na rin ang lahat ng bisyo ko, pramis!" Tila ang tanging makapagpapaligaya lamang sa atin ay ang pagsunod ng Diyos sa ating mga naisin at kahilingan. Tama po ba to, mga kapamilya?

Marahil, mainam pong dumulog tayo sa Panginoon na may bukas na kalooban. Bukas na kaloobang handang tanggapin kung ano ang ipagkakaloob sa atin ng mahabaging Panginoon. Kung tutuusin, hindi ba't alam na rin naman ng Panginoon kung ano ang tunay na makabubuti sa atin higit pa sa pagkakaalam natin? Kung gayon, hindi ba't higit tayong liligaya kung matutunanan nating tanggapin at sundin ang kalooban ng ganap na nagmamahal sa atin? Huwag tayong mangamba, kapamilya, ang mga panalangin natin ay pinakikinggan niya, at kung ano ang tunay na makabubuti sa atin at sa ating kapwa, tiyak iyon din ang naisin niya. Amen? Amen.

Category:

People & Blogs

Tags:

• Ernald
• jesuits
• jescom
• slb
• shs-j
• happiness
• himala
• God's
• will
• kevjumba
• happyslip

[luvpinas123]

Bro Ernald!

[fgybhu]

pag patuloy po nyo ang pagpapalaganap ng mabuting balita