BERROGÜETTO "10 anos de éxito". (((Galego)))

(((GALEGO))).(Also available in English Language: ´BERROGÜETTO "10 years of success"´).

Berrogüetto é un grupo galego de música Folk fundado na década dos 90 que sorprendeu desde un principio polo seu coidado perfeccionismo e unha grande sensibilidade nas súas letras. Diferente e orixinal, renova o folk galego desde o seu primeiro álbum: "Navicularia", que supuxo unha grande revolución dentro do panorama Folk por mor do seu innovador estilo onde as melodías tradicionais eran tratadas cunha gran frescura, achegando interesantes armonizacións modais e contrapuntos. Un disco que pronto comezou a recibir premios a nivel europeo ( Premio da Crítica Alemá en 1997, Premio Europeo da Música 'Eiserner Eversteiner' en 1998 ).
Berrogüetto rápidamente se convertíu nun dos grupos de "world music" meirandes do mundo. O seu segundo disco, "Viaxe por Urticaria", reafirmou a grande forza creativa da súa música, destacando a importancia da imaxe gráfica: fotos artísticas do grupo cubertos de lodo e terra, metáfora da alternancia entre Tradición e Contemporaneidade, a textura feita música e imaxe.
O seu terceiro disco, "HEPTA" (7 en grego), xoga co máxico significado do número pra este grupo de 7 músicos, e.conta coa participación do artista contemporáneo George Rousse (que mestura arquitectura, pintura e fotografía).Con este traballo, Berrogüetto acadou un nomeamento aos Grammys latinos reafirmando a súa calidade internacional.
Berrogüetto é síntese da máis pura tradición galega coa contemporaneidade, que non retrocede no seu afán por descubrir novos territorios da música galaica. Berrogüetto é o nome da minuciosidade puntillísta, do fino encaixe de armonía e tempo, da áxil melodía que non se contenta coa súa galanura e alza os ollos pra percibir horizontes máis azuis e máis amplos. Na publicación do seu "10.0" cúmprense dez anos que estes artistas viñeron a convulsiona-lo mundo folk cun discurso diferente e atrayente. A xenialidade destes músicos galegos foi capaz de crear un estilo propio e inconfundible. Con coidado e sensibilidade, dun modo discreto, o seu discurso en cada un dos seus discos supuxo un novo avance na súa forma de comprender e interpreta-la Música de Galicia.

* COMPOÑENTES:
· Anxo Pintos: zanfona, gaita, saxo soprano, violín e teclado.
· Guillermo Fernández: guitarras.
· Quico Comesaña: bouzouki, mandolina.
· Santiago Cribeiro: acordeón, teclados.
· Isaac Palacín: percusión.
· Quim Farinha: violín.
· Guadi Galego: vocalista, gaiteira e percusionista do grupo ata xaneiro do 2008.
· Xabier Díaz: voz, gaita e percusión desde o 30/03/2008.

* DISCOGRAFÍA:
· Navicularia (Boa Music, 1996).
· Viaxe por Urticaria (Boa Music, 1999).
· Hepta (Boa Music, 2001).
· 10.0 (Boa Music, 2006).

Category:

Music

Tags:

• galicia
• galiza
• berrogüetto
• musica
• music
• folk

[zecassiopeia]

O melhor grupo folk de todos os tempos.

Um biquinho.

:)

[papigil]

¡Ola, María!. Moitas gracias polo teu Comentario. ¡Un gran saúdo!.

[nirvarage]

Berrogüetto; sublimes. Se hai alguén que saiba transmitir folk no sangue, son eles. 10 anos de éxitos e esperamos que sexan moitos máis. Discos excelentemente ben traballados; belísimos. A descripción do vídeo boísima; só faltou mencionar que Quico C. tamén toca o arpa; creo que é o instrumento co que máis expresa na súa música. Añórase a Guadi pero con Xabier non serán menos. Iso é imposible; seguirán facendo esas preciosas melodías ás que nos teñen acostumados. XENIALES

[papigil]

¡Ola, Carolina!. Moitas gracias polas túas verbas sobre Berrogüetto e os teus parabéns, agradézochos moito.

¡un gran saúdo, amiga!.

[papigil]

Comparto a túa sorte, xa que tamén puiden disfrutar do directo de Berrogüetto con Guadi máis do concerto-presentación con Xabier no Rosalía de Castro.

¡Saúde e moita música da boa, amigo meu!.

[merlindasroseiras]

Moitas grazas a ti amigo, por compartir a súa música.

Eu tiven a fortuna de asistir a varios concertos deles na etapa de Guadi, pero ningún causoume tanta admiración como a estrea no Rosalía de Xabier.

A verdade e que os dous teñen unha voz preciosa, pero ademáis a de el ten unha forza e potencia a hora de entoar incrible.

É unha mágoa non poder volver a escoitar aquel concerto.

Foi un momento irrepetíbel.

Saúde e apertas, amigo papigil

[papigil]

¡Ola, merlindasroseiras!. Fantástico Comentario o teu, moi acorde coa temática do vídeo, unha boa volta pola discografía de Berrogüetto amigo meu.

Co a túa licenza, súmome ao derradeiro párrafo do teu comentario. ¡Unha grande aperta!.

[merlindasroseiras]

Bueno, despois de ver este video lémbrome de todos os grandes momentos que fixo sentir no meu corazón este insuperábel grupo.

Desde o seu priemeiro disco, coas cantareiriñas en Anubía, no segundo con Guadi e Aquí Canto, Lusco e Fusco, en Hepta, con ela e Xabier Díaz en Monzo, no 10.0, con Unha volta e un poema.

E agora coa guinda de Xabier.

Estaremos agardando impacientes o seu novo traballo, atè entòn, Grazas por todo

[papigil]

¡ Ola, semprenagaliza !. Xa te botaba en falta, compañeir@.Moitas grazas polo teu comentario, ledo de que che sirva ben o video.

¡ Unha aperta !.  ¡¡¡ Saúde e Terra !!!.

[semprenagaliza]

Mui boa compilaçom!! :)

Adoro Berrogüetto.