Electrolux Design Lab 2010 повик за учество

Electrolux Design Lab, меѓународниот натпревар на идеи и концепти за дизајн на иновативни уреди за домаќинство, ја најави темата за 2010 година и упати отворен повик до студентите од целиот свет да се натпреваруваат за парични награди и платена шестмесечна пракса во еден од глобалните центри за дизајн на производи на компанијата Electrolux.

Темата на натпреварот оваа година е поврзана со тесниот простор на урбаните живеалишта, фокусирајќи се на решенија за складирање на храната, перење на алишта и миење садови до домовите од 2050-тата година, година во која кога се предвидува дека 74% од популацијата ќе живее во градовите.

Осми пат по ред, Electrolux Design Lab им нуди можност на студентите да се тестираат себеси и да изградат чувство за дизајн на комерцијални производи, вели Хенрик Ото, Потпретседател на Електролукс Глобал Дизајн. Оваа година сме во потрага по концепти кои го третираат начинот на употреба на домашниот простор. Идеите треба да се зелени (еколошки), прилагодливи кон простор и време, и да дозволуваат индивидуализација.

Осум финалисти ќе бидат поканети да учествуваат во финалето во Лондон, каде ќе имаат можност да ги претстават своите идеи изработени во реална големина. Меѓународното жири, составено од експерти и дизајнери, ќе ги оценуваат нивните дизајни, врз база на интуитивен дизајн, иновација и нивото на задоволување на потребите на потрошувачите. Првата награда изнесува 5,000 евра и шестмесечна програма во еден од глобал дизајн центрите на Electrolux. Втората награда е 3,000 евра, а третата 2,000 евра.

Овој натпревар досега даде многу смели идеи и концепти, како на пример чевлосмукалките DustMate, AirWash пералната која користи воздух наместо вода, итн. Македонија во последниве години учествуваше со повеќе студенти и идеи, и на светско ниво стигна до полуфинале, што е највисоко достигнување меѓу студентите од балканските земји.

Рокот за пријавување е 1 мај 2010 година. Пријавувањето се врши онлајн, на веб сајтот www.ElectroluxDesignLab.com, каде може да се добијат и сите дополнителни информации во врска со конкурсот и начин за аплицирање.

Повеќе инфо: www.ElectroluxDesignLab.com и designlab@newmoment.com.mk

Category:

Nonprofits & Activism

Tags:

• Electrolux
• Design
• Lab
• Електролукс
• Дизајн
• Лаб
• 2010
• уреди
• домаќинство
• меѓународен
• конкурс
• студенти
• идеи
• концепти
• креативност
• отворен
• повик
• пракса