Millina Nojousing 2011 - Neujahrsingen in Mühlen in Taufers

Zin 5-jährigin Jubiläum fa di Millina Nojousinga hots wido a kloans Standl gitrogn. Besung wersch wido ollohond, wos sich unton Jou asöi zuigitrogn hot in Mill. Mit Kritik hommo a net woasgött wi gspourscht, obo mir höffn dassz jedo Betröffne mit awi Humor nimmp :-)


Mir san drei junga Burschn, foscht olla drei fa Mill.
In Tommy hommo in Argentinien, weil kletton tuta viel.
Do Tobi isch glei ingsprung, und hilft ins hoire sing,
noa wermo inso Jubiläum, a hoale ummabring.
Weil fünfmo sammo schu kemm, enk Neuigkeitn zi breng.

'S Noherholungskonzept, isch jo a gonz nett,
Do Klommweg wesch gibaut, fan Felsn ausakaut.
Sogou an Sea hots gitrougn, ohne longe zi frougn,
zi tief hot mann giböhrscht, in Planknsteina hots gstörscht,
Obo er hots glei girafft, und Ligestiele fokaft.

Füs Vokehrskonzept in Mill, Geld wie viel man will,
a Stroußn-Pölla muss hä, sischt dobremmsts koando mä,
anan Sunnta ischs passiert, oando hotn niedo gfiert,
hot ihn nidogimaant, des wor sicho net giplant,
Hot ihn nidogimaant, taifl hot der sich gschamp.

'S Dörfgestoltungskonzept, do Benjaminplotz isch komplett,
a hilzrans Labyrinth, wo koando me ausa fint,
do Spielplotz in do Peinte, stett nö net heinte,
obo wie mo olla wissn, die Gemeinde hot's voSPRÖCHN
und wos man tut vosprechn, terf man a net brechn.

'S Energiekonzept fa SOND, s beschte fan gonzn Lond,
Wosso und Sunnenpaneele, seit noischtn awin an Eele,
Blöck-Heizkroftwerke, san die neue Stärke,
Raps-Eil lig im Trend, und wersch a fleißig fobrennt,
A Haufe Geld wos winkt, a wenns noch Pommes stinkt.

'S Energiespoukonzept, hot Auswirkungen afs Familienentwicklungskonzept,
Kindo san net zi knopp, mochn fa Mill fellig a Stodt,
Do Kindogoschtn isch zi kloan, dou brauchats holt nö oan.
Do Opitegga plant zi kemm, um schnell wos zi untonemm.
Do Opitegga plant zi kemm, um Kondome fü olla zu breng.

'S Weihnachtsbeleichtungskonzept, finschto wie untran Bett,
koan Lampile isch gibrunn, di Gschäfts-Leit hom gschpunn,
in Strom, mir homs gitscheckt, brauchts füs Cascadn-Projekt,
dass di Finanza nichts fenn,
und ins net ums Schwimmboud breng,
dass di Finanza nichts fenn, und in Helmut is Eile net nemm.

'S Religionskonzept in Mill, Spaß wie viel man will,
di Ministrontn hom gilocht, bolls ban Pforra hot gikrocht,
ban Widdn isch a koan Rui, Carpfn ob und zui,
bolls koan tscheppo me hot, do Techant in Bigman frog,
„Helmut hosch du doweil, bring in Leschek a Raps-Eil fobei".

Konzepte gip's an Haufn, net olla san zi gibrauchn,
modern und suppo-fein , musz net olm sein,
Konzepte hin und hä, do dowersch sich koando mä,
's oanzige wos sein tut nett, isch is Nojousinga-Konzept.
's oanzige wosmo nö sougn, itz megis ins wido fojougn.

Category:

Comedy

Tags:

• neujahrsingen
• neujahrsinger
• nojousinga
• mill
• mühlen
• sand
• in
• taufers