De 0 a 99 anos pistacatro

De 0 a 99 anos.un pasarrúas para toda a familia. Pistacatro Productora (0034 981937819)A familia Castro non é unha familia normal, é unha familia de Circo. A nai é solteira, zanqueira e desesperada, non dá feito con tanto fillo. Os bebés están xa moi medrados, cos seus cueiros cagados, cuspindo a papilla e salpicando cos biberóns a todo o mundo. Os pequenos van facendo percusión e música con todo o que atopan e os adolescentes son uns macarras hip-hopeiros e malabaristas. Menos mal que está o avó, que nos seus tempos foi acróbata e agora anda en taca-taca, para botarlles unha man na educación de tanto neno malcriado.

A vella receita do pasarrúas festeiro pasado por unha familia de personaxes de Novo Circo. Non falta ningún dos ingredientes básicos da animación de rúa, representados por algún membro da familia: os zancos (pais), os clowns (bebés), a percusión (nenos), os malabares (adolescentes) e as acrobacias (avó). Isto converte De 0 a 99 anos nun espectáculo multidisciplinar e itinerante, que pode percorrer as rúas e prazas de calquera vila, chegando a entrar ata nos recunchos máis insólitos, nas tendas, nos parques, nos edificios públicos, nos bares, ata nas casas! Isto é un dos elementos que o fan máis atractivo: o happening. Isto quere dicir que a improvisación e o intercambio directo co público son o eixo fundamental do show. Búscase en todo momento a implicación, a participación dos transeúntes. As situacións entre os membros da familia Castro e os das outras familias que pasean por alí son irrepetibles. Os personaxes de bebés e nenos, o avó, a nai, son figuras coas que o público simpatiza de inmediato, o que permite unha interacción completa ó longo do pasarrúas.

FICHA ARTÍSTICA
Intérpretes: Chus Mellado, Pablo Reboleiro, Alfonso Medina, Xabier Mera, Natalia
Outeiro, Borja Fernández, Manuel Lago, Antón Coucheiro.
Dirección escénica: Antón Coucheiro.

FICHA TÉCNICA
Contidos: happening, malabares, zancos, clown, percusión, acrobacias.
Necesidades técnicas: camarín con auga e espellos.
Tipo de público: para tódolos públicos.
Xénero: espectáculo itinerante. Pasarrúas
Tipo de público: para tódolos públicos.

Duración: 1 hora aprox. (negociable)

Category:

Comedy

Tags:

• pistacatro
• circo
• pasacalles
• pasarrúas
• kamikaze
• teatro
• galicia
• humor
• animación
• sketch
• parodia