Xuan Bello - Paniceiros (Por Ramón Lluís Bande)

"Paniceiros", un poema de Xuan Bello.

Guión y direición: Ramón Lluís Bande

Película grabada en Paniceiros en marzu de 2005.

Clip parte de 'Cinco Poemes', proyeutu audiovisual sobre lliteratura n'asturianu ideáu por Ramón Lluís Bande, producíu por Ramón d'Andrés y Vera Robert.

'Cinco Poemes' espublizóse de baldre nel DVD 'Pieces', editáu na 27 Selmana de les Lletres Asturianes de 2006 pola Conseyería de Cultura del Gobiernu del Principáu d'Asturies.

_____________

Xuan Bello - Paniceiros

Conozo un país onde'l mundu llámase
Zarréu Grandiel.la Picu la Mouta Paniceiros

Un mundu que perdéu l'aldu los caminos
Xerusalén llevantao na palma la mano d'un nenu

Un mundu que yera altu luminosu esbeltu
Naciente y fonte y vocación de ríu

Onde los homes callen y el silenciu ye renuncia
Onde escaecimos el ser Onde claudicamos

Un país onde la casa cai cai l'horru la ponte
El molín la ilesia l'home tamién cai

Onde la mirada yera pura cenciella
la xaceda que dexara la nube en cielu

Onde namás nos queda la memoria
corrompida de la infancia La nuesa soledá

L'abandonu de nueso.

Category:

Film & Animation

Tags:

• xuan
• bello
• paniceiros
• ramón
• lluís
• bande
• lliteratura
• n'asturianu
• poesía
• asturies
• asturianu

[Bustavil]

a veces tá unu a la vera ya non s´entera

[llionradical]

Prestosu ascuitar falar na variante occidental, un saludu dende'l País Llionés.

[KAURIBO]

Gustóme muchu ver a la xente de Paniceiros. A ver pa cuándo aprendemos a lleer los de Firmo pa salir tamién... Muy guapo, de verdad.