Oliver Dragojević & Dupini - Nadalina (+ na Robleku)

s koncerta, marca 2008
oliver dragojević (croatia) live in concert with dupini - march 2008, škofljica, slovenia


besedilo tekst lyrics
(jakša fiamengo)

Ovo van je štorija o Nadalini. More bit da vi znate Nadalinu u Škofljici, da? (Sva puca od lipote! A jema je) da van pravo rečen ča i vidit, smantala bi ona i većega muškardina di neće ovakega karonju ka ča san ja, a najskoli kad pere noge u dvoru, ajme!

Kad Nadalina noge toča, srid dvora u maštilu,
jo, ke beleca, ke finoča, inšempja mladost cilu.
Svi gledaju u noge bile, uz bačve, karatile.
Jer slaja je od zrilog voća, kad Nadalina noge toča.
Jer slaja je od zrilog voća, kad Nadalina noge toča.

Nadalina, Nadalina, da si moja, Nadalina,
Jemala bi muškardina, Nadalina, Nadalina.

Jo, da mi je onoga slatkoga od fešte; rožadi, torte, galetini, mandulati, krokanti, pašte /.../ (Ni ništa slaje od slatkoga, more bit da je samo slaja Nadalina.) Sve je to uredu. Ali kad ona misi slatko, cili dvor poludi i zamiriše, ajme! Ajme.

Kad Nadalina misi slatko, u dane isprid fešte,
jo, da je vidin bar na kratko, ča skriva ispod vešte.
Jer slatka je ka cukar fini, dok leti po kužini.
I rado bi je jema svako, kad Nadalina misi slatko.
I rado bi je jema svako, kad Nadalina misi slatko.

Nadalina, Nadalina, da si moja, Nadalina,
jemala bi muškardina, Nadalina, Nadalina.

Jaja se, to cili svit zna, moredu spravjat na mali mijun načini. More ih se u šorbulo i utvrdo, al more ih se i u gusto i u ritko i umeko i utvrdo ... i sa svon mogućon spizon mutit, ali kad Nadalina muti jaja ka i špatije, to vam je onda prava fešta od jaji, ajme! Ajme.

Kad Nadalina muti jaja, zamuti pamet svima,
i svakim danon sve je slaja, ka gucaj dobrog vina.
Na sebi jema sve nalige iz ćaćine butige.
I svi je želu, bez rataja, kad Nadalina muti jaja.
I svi je želu bez rataja, kad Nadalina muti jaja.

Nadalina, Nadalina, da si moja, Nadalina,
jemala bi muškardina, Nadalina, Nadalina.

Aj, ča vaja poć leć, gotova je i ova. (Al kad Nadalina greje leć, to pari ka da cvit počiva u cviću.) Ma da mi je koji put vidit kako se ona uvučije u posteju, i kako sva zamiriši /.../ Noć zasvitli, cvrčci počnu pismu: Nadalina, Nadalina.

Kad Nadalina gasi sviću kraj otvorenih škura,
jer lito je i sve u cviću, al malo noćni ura.
Pod ponistru tad momci stanu, i naprave galamu,
da poželu jon pismon sriću, kad Nadalina gasi sviću.

Nadalina, Nadalina, da si moja, Nadalina,
jemala bi muškardina, Nadalina, Nadalina.
Nadalina, Nadalina, bit ćeš moja Nadalina.

Category:

Music

Tags:

• oliver
• dragojevic
• dupini
• koncert
• zivo
• nadalina
• na
• roblek

[marisolaris]

Še enkrat pohvale za posnetke..obvladaš;)

Oliver je pa itak najboljši:P

[topsyturvydom]

:) malo moje sreče in poskakovanja parketa pa veliko njihovega mojstrstva.

[Polonka25]

CAR!

[racittaj]

haha

[petraaaaaaaaaaaaa]

12 in 13 december v dvorani kulturnega doma.

[marisolaris]

kdaj pa bo?:)

[petraaaaaaaaaaaaa]

faca....

komaj čakam koncert v novi gorici ...

[topsyturvydom]

:p mhm