Camín de Cantares

«Camín De Cantares», programa, dirixíu por Ramón Lluis Bande y conducíu por Xosé Antón Fernández «Ambás», básase nel Archivu de la Tradición Oral qu'ésti últimu músicu recueye dende hai 20 años per toa Asturies.Trátase d'una verdadera xoya del patrimoniu etnomusical asturianu y recueye cuasimente tolos aspectos de la tradición sonora del país, dende la cantidá bultable de cantares de tou tipu (ramos, aguilandos, añaes, etc.) hasta los toques de pandereta o los sones instrumentales.
Pel programa tienen pasao munchos de los informantes de los qu'Ambás recuperó'l material que forma parte del so archivu, qu'intervenen y canten o toquen dando a conocer un bagaxe que d'otra manera cuerre'l peligru de desaparecer.
Los capítulos tán estructuraos en tres partes:repasu pela vida del informante, interpretación de dellos cantares tradicionales y reellaboración d'eses mesmes pieces a cargu del grupu "Tuenda", al qu'acompañen en cada capítulu dellos músicos destacaos de la escena folk y tradicional asturiana.
"Camín de Cantares",recibió'l Pegoyu de los XXVI Premio Andrés Solar,que concede la Xunta pola Defensa de la Llingua Asturiana pol so llabor na recuperación de la tradición musical de la rexón, utilizando amás l'asturianu como llingua vehicular.

Category:

Music

Tags:

• folk
• music
• tradition
• asturies
• camin
• de
• cantares
• tpa
• Ambas
• Llingua
• Asturiana
• song
• cabecera