Iñigo Urkullu: Madril-en Euskadi defendatu dugu eta defendatzen jarraituko dugu

Gaur Kursaal-en burutu den ekitaldian EAJren Euzkadi Buru Batzarraren presidente den Iñigo Urkulluk gogoratu duenez, "zenbat lan egin da. Dena ezinbestekoa da Pasaia berbizteko, Europarekin lotuko gaitun trena ekartzeko, Nanogune martxan jartzeko. Zenbat amets. Zenbat ilusio. Hainbat eta hainbat lana, proiektuak egiteko, dirua lortzeko, konpromisoak betearazteko. Hori dena. Hori bait da Euzko Alderdi Jeltzalea-ren lan-eredua".
"Eta orain, zer? Orain, bat batean, -Gipuzkoa aurrera- gelditu, eta -Gizpuzkoa stand by- martxan jartzen da. Ez aurrera, ez atzera. Dena zai eta denok zain. Bost hilabete pasa dira dagoeneko. Aldundiak ez du oraindik bere programa aurkeztu. Iparrarik gabeko ibilbidean dabiltza. Denbora pasan. Baina egunak joan, egunak etorri, eta Gipuzkoan, ezker abertzalearekin, "EZ" nagusitu egiten da. Dena da "EZ". Dena da "bihar".Dena atzeratu, dena aztertu. Gaztelaniaz esaten den bezala, "por el análisis a la parálisis", hori gertatzen ari da Gizpuzkoan hauekin.Lehen BAI zena orain EZ bihurtu da" gaineratu du.

Buruzagi abertzaleak azpimarratu du baia "azken 34 urte hauetan aurrerapen eta lorpen handiak eta baliabide ugariak erdietsi ditugu gure Herriarentzat. Eskumenak negoziatu ditugu, inbertsioak erakarri ditugu eta gure nortasun berezia eta gure eskubideak defendatu ditugu".

"Madril-en Euskadi defendatu dugu eta defendatzen jarraituko dugu. Euskal hiritar garen aldetik Euskadi-ren etorkizuna erabakitzeko dugun eskubidea defendatuta, eta krisialditik irteteko eta enplegua sortzeko proposamen eraikitzaileak eginda, hori bait da gure beste lehentasun handia. Bakea nahitaezkoa da, baina, gaur lehentasuna enplegua da. Azken urte honetan langabezia %25ean hazi da Euskadin. Espainian baino hiru aldiz gehiago. Lehen Espainian baino hobeto geunden, orain, aldiz, geroz eta okerrago gaude.

Hau da PSE-PP itunaren emaitza. Langabezia gehiago.Behera eta behera goaz Lopez-Basagoiti itunarekin. Guri dagokigu, guri bakarrik, egoera honi buelta ematea. Euskadi berriro gorako bidean jartzea. Euskadi gora begira eta ez behera. Hau da gure zeregina eta ardura. Hau da Euzko Alderdi Jeltzaleak eskaintzen duena, eta lortuko duena.Urriaren 20tik aurrera, Euskadik itxaropen berri bat dauka.Gure Aberriaren ametsa egiaztatzeko itxaropena.Euzko Alderdi Jeltzaleak Estatus Politiko Berria proposatu du 2015erako. Hau da euskal gizarteari aurkezten diogun proposamena eta konpromisoa.Urte luzeetan, indarkeriaren tunel beltzean egon ondoren, argia ikusi dugu.Argi hori ez dugu alde egiten utziko.Herri bat gara. Herri bezala aurrera egingo dugu. Herriak berak markatuko duen bidea eginez. Nahi dugu eta lortuko dugu.

Urteetan amestu dugun etorkizun berria lortuko dugu. Gure esku dago. Euskadi, Nazioa Europan. Itxaropen eta etorkizun berria iritsi da. Gu guztion eskuetan dago. Gure erabakia da."

Category:

News & Politics

Tags:

• Iñigo Urkullu
• donostia
• arantxa tapia
• eaj-pnv
• kongresua
• hauteskunde orokorrak
• euskadiren alde
• Gipuzkoa
• Basque Nationalist Party