Gerrit Breteler: Katarsis. Mei tekst.

Doe't God ferdwûn út Jorwert
ferdwûn de slachter en de bakker
en de doarpsgek ek, de stakker
en by einbeslút de boer
der bliuwt neat fan Fryslân oer
No't ús lân rûnom ferwylget
foarby, foargoed, ferlern
moarn is der neat mear fan te sjen

Yn 'e kroech koe 'k it sa moai sizze
moast ik it dy, myn skat, útlizze
dat it doogde yn 'e grûn
dat der leafde wie foar't wûnder
foar it wêzen yn't bysûnder
dat de roas doe ek ferwylge
as it gers, myn leave skat
mar wy wienen bern fan God

De God fan doe en letter
dy't mei ús rûn oer't wetter
Ivich en aloan
en Maria ek har Soan
it ferbyldzjen bin' we kwyt
halleluja ta myn spyt
no't it wûnder ek ferwylget
grutskalich, lomp en plat
ik haw dy leaf, myn lytse skat

Ik hie God en ik hie Bach en ik hie Nietzsche
dat wie ferdomd net in lyts bytsje
mar wat jout it ús yn wêzen
alle boeken dy't we lêze
as we rinne sûnder sinne
op 'e weagen fan 'e see
ik haw dy leaf, hoe sis ik dat
mei of sûnder God
en ivich boppedat

Ach it wie doe fêst net better
mar it wie sa moai foar letter
it treast foar't grut farwol
hoe hâldt in minsk' it fol
as er ivich libje wol
no't myn roas ek al ferwylget
as it gers myn lytse faam
is dy treast my dochs ûntkaam

Ik hie God en ik hie Bach en ik hie Nietzsche
dat wie ferdomd net in lyts bytsje
mar wat jout it ús yn wêzen
alle boeken dy't we lêze
as we rinne sûnder sinne
op 'e weagen fan 'e see
ik haw dy leaf, hoe sis ik dat
mei of sûnder God
en ivich boppedat

Category:

Music

Tags:

• Gerrit Breteler
• katarsis
• katharsis
• Fryske muzyk
• Frisian music
• Friese muziek. folk music

[2Sel1R]

@MegaRoutier Gerrit Breteler komt van oorsprong uit Gelderland (als ik me niet vergis) en zingt ook wel in het Nederlands. Of in combinatie van beiden (zoek maar eens naar "op een dag" en Breteler, erg mooi!). Hij woont sinds de jaren 60 in Friesland en betekent veel voor de Friese cultuur.

[MegaRoutier]

Ik versta er geen hol van, maar de muziek klinkt erg mooi.

Is die man alleen in Friesland bekend?