Naat by Muzafar warsi -Tu kuja mann kuja ( With lyrics )

تُو کُجا مَن کُجا ۔ مظفر وارثی

تو امیرِ حرم، میں فقیرِعجم
تیرے گن اور یہ لب، میں طلب ہی طلب
تو عطا ہی عطا، میں خطا ہی خطا
تو کجا من کجا، تو کجا من کجا

تو ابد آفریں، میں ہوں دو چار پل
تو یقیں میں گماں، میں سخن تُو عمل
تو ہے معصومیت میں نری معصیت
تو کرم میں خطا، تو کجا من کجا

تو ہے احرامِ انوار باندھے ہوئے
میں درودوں کی دستار باندھے ہوئے
کعبۂ عشق تو، میں ترے چار سو
تو اثر میں دعا، تو کجا من کجا

تو حقیقت ہے میں صرف احساس ہوں
تو سمندر، میں بھٹکی ہوئی پیاس ہوں
میرا گھر خاک پر اور تری رہگزر
سدرۃ المنتہیٰ، تو کجا من کجا

میرا ہر سانس تو خوں نچوڑے مرا
تیری رحمت مگر دل نہ توڑے مرا
کاسۂ ذات ہوں، تیری خیرات ہوں
تو سخی میں گدا، تو کجا من کجا

ڈگمگاٰؤں جو حالات کے سامنے
آئے تیرا تصور مجھے تھامنے
میری خوش قسمتی، میں ترا اُمتی
تو جزا میں رضا، تو کجا من کجا

میرا ملبوس ہے پردہ پوشی تری
مجھ کو تابِ سخن دے خموشی تری
تو جلی میں خفی، تو اٹل میں نفی
تو صلہ میں گلہ، تو کجا من کجا

دوریاں سامنے سے جو ہٹنے لگیں
جالیوں سے نگاہیں لپٹنے لگیں
آنسوؤں کی زباں ہو میری ترجماں
دل سے نکلے صدا، تو کجا من کجا

تو امیر ِحرم، میں فقیرِعجم
تیرے گن اور یہ لب، میں طلب ہی طلب
تو عطا ہی عطا، میں خطا ہی خطا
تو کجا من کجا،تو کجا من کجا


مظفر وارثی

Category:

Education

Tags:

• tauseefqau
• naat
• urdu
• poetry
• inspirational
• farsi
• music
• arabic
• classical
• middle
• east
• religion
• Nasheed
• M-Kaleem
• Pakistani
• Urdu
• Old
• Classic
• urdu poetry

[qaisarazeemi]

Muzaffar Warsi sahab ne yeh naat waqaee dil ki gehraio se likhi he. allah on ko karwat karwat jannat naseeb farmay. Aameen

[asadbutt5]

nice heart touching poetry

[Farrukhw]

اللہ مظفر وارثی صاحب کو بھی جنت الفردوس میں جگہ عطا فرمائے

آمین، ثم آمین

[Farrukhw]

بہت ہی اعلٰی اور خوبصورت۔۔۔۔

[aabj00]

MashaAllah bohat hu khoobsoorat naat hey hey

[ashabhanif]

Jaza Ka Allah

Tauseef Bhai Allah Taala aap ko iss kaam ka ajar atta farmaye

Aamen!

[abiehakhawaja]

SubhanAllah.

[Aartib40]

Very Beautiful Naat.

[ahmadtaus]

جزاک اللہ۔ اللہ تمہیں خوش رکھیں ہمیشہ جانی۔ بلاشبہ یہ اعلیٰ ترین نعتوں میں سے ایک ہے ، بہت خوبصورت لگی

[FARHATDAR02]

MashaAllah, JazakAllah