راځئ د ژوند ښکلا ژوندۍ وساتو
راځئ یواځې په ښکلا باندې خبرې وکړو
راځئ د جنګ ناورین یوې شیبې ته هیر وساتو
راځئ یوه شپه د سیاست له تورو وریځو لیري،
د ژوند ښکلا پورې خبرې وکړو
راځئ هغه ښکلا چې،
د جګړې ستر ښامار زمونږه له جونګړې وړې
او جنګ ځپلو یې څیره هیره ده
راځئ هغه ښکلا چې،
لسګونه کاله یې ځلا تته ده،
او تور باروتو یې تصویر پټ کړی
راځئ هغه ښکلا چې،
له دغو ټولو بدمرغیو سره
لاهم تر اوسه پکې ساه پاته ده!
راځئ هغه ښکلا چې،
د جنګ خونخوار غم یې پر تن باندې نیشونه وهي
په زنکندن ده،
لا مړه شوې نه ده!
راځئ هغه ښکلا ژوندۍ وساتو
راځئ پرینږدو چې د ژوند دغه زیبا نظارې
د ډوبیدونکي لمر د وړانګو په شان، خپلې شغلې او څرک له لاسه ورکړي
دغه ښکلا لا هم ژوندۍ ده درکې
فقط پیدا یې کړه ته
ستا د بچي د شپې خولې یوه خندا به وي دا
یا هم، د میندو په سوزناکه دعاګانو کې تل
رڼه ځلا به وي دا
یا به رڼا کې د سپڅلو سپیدو
په شنه سهار د بلبلانو واویلا به وي دا
یا یې په ګونجو او لړزانده لاسو،
ستا دا خوږه کړوپه انا به وي دا
راځئ یواځې په ښکلا باندې خبرې وکړو
راځئ یواځې په ښکلا باندې خبرې وکړو
that was really nice..
keep it up Aghali Shaista..
Kind Regards
loveSLR 4 weeks ago
Dear nice poem i really enjoyed it..
DEAR I ALSO WANT TO MAKE SOME POEMS LIKE THIS BUT CAN U PLEASE TELL ME IN SOFTWARE YOU HAVE MADE IT?? I WILL BW REALLY THANKFUL OF YOU!!!!!!!!!!!!!!!!!
MrOmarkhail 1 month ago
Salamona shaista jane khore derr khaista sher sato wayale deh.manana
Khisi9 1 month ago