Mártires de Sobredo

Memoria histórica: 88 Cabodano dos mártires de Sobredo,un fito do agrarismo.
Intervención de Xosé María Álvarez Cáccamo.
Un detalle que non se me escapou da intervención de Xosé María, foi que ademais de lembrar a Cándida Rodríguez, Joaquín Estévez Besada e Venancio González Romero, tamén se lembrou dos asasinatos que houbo en: Quiroga, Palas de Rei, Pontevedra, Oseira, A Estrada, O Barco de Valdehorras, Maceda, Sofán e Nebra.
Como único asistente de Nebra ao acto, mantiven con el unha pequena charla para agradecerlle o xesto de citar aos mártires de Nebra.
Un dato que descoñecía e que tentarei comprobar, foi que cando foi das mortes de Nebra, a avoa de Antón Avilés de Taramancos tamén estiveran na ponte de Cans.


Quen é Xosé María Álvarez Cáccamo?, mellor que o diga el na súa autobiografía:

Nacín en Vigo o 6 de xullo de 1950. O barrio de As Travesas e as praias de Coruxo son os espazos da miña nenez. Santiago de Compostela, onde fixen estudos de Filoloxía Románica, constitúe o referente crucial da miña mocidade. Desde o ano 1973 veño exercendo a docencia como profesor de Literatura en Institutos de Santiago, Ourense e Vigo e vivo, desde 1990, na aldea de Vilar (Vilaboa), fronte á illa de San Simón.
Ademais de poesía, teño publicado relatos breves e fixen algunha incursión no xénero teatral. A miña adicación aos estudos literarios céntrase na poesía galega da segunda metade do século XX. Ultimamente descubrín o esixente pracer da literatura para crianzas e o territorio complementario da poesía obxectual.
Obtiven os premios "Esquío", "González Garcés" e "Arume de Poesía para Nenos" e os da Crítica de Galiza e de España.
Formei parte do consello editorial das coleccións de Poesía "Mogor" (1976-1980) e "Pero Meogo" (1980) e dos consellos de redacción dos suplementos "Galicia Literaria" de Diario 16 de Galicia (1990-1992) e "Faro das Letras" de Faro de Vigo (1993-1996). Entre os anos 1984 e 2002 integrei a equipa directiva da Asociación de Escritores en Lingua Galega, onde desempeñei o cárrego de Presidente durante algúns meses de 2002. Coordenei as revistas da A.E.LG. "Nó" e "Contemporánea". Fun membro fundador do "Foro da Cultura" e de "Esculca Observatorio para a defensa dos direitos e as liberdades". Actualmente formo parte do colectivo "Burla Negra" e do consello de redacción da revista "Grial".

Category:

Nonprofits & Activism

Tags:

• Mártires de Sobredo
• Guillarei
• Tui
• Galicia
• CO.GA.VE
• ORGACCMM
• Sindicato Labrego Galego
• Nebra
• Mártires de Cans
• Mártires de Oseira
• Mártires de Sofán