Hjoed: Ravaazje nei botsing ambulânse mei frachtauto's by Ljouwert

By in oanriding op de súdlike rûnwei fan Ljouwert binne woansdeitejûn fjouwer minsken ferwûne rekke. Twa fan har binne der slim oan ta. Ien fan beide is de ambulânsesjauffeur (54) út Ljouwert. Dy is frontaal op in frachtauto botst neidat er ynhelle of op de ferkearde dykhelte bedarre is. Twa oare frachtauto's ferûngelokken doe't se de oanriding besochten te ûntwiken. De foarste ried dwers oer in beam en bedarre yn in feart. Dy sjauffeur (26) út Harns rekke beknipe. Hy is mei in brutsen skonk en pols nei it sikehûs brocht. De ferpleechkundige fan de ambulânse (49) út Stiens, dy't mei de swaailjochten oan ûnderweis wie nei in oprop, rekke ek ferwûne. Sy koe nei in behanneling yn it sikehûs nei hûs. It fjirde slachtoffer is de sjauffeur fan de achterste frachtwein.

Nei de tadracht fan it ûngelok wurdt noch ûndersyk dien. It ûngelok wie op it stik fan de Hendrik Algrawei tusken Goutum en de ôfslach nei yndústryterrein Newtonpark. De rûnwei hat noch oant tongersdeitemoarn 5 oere ôfsletten west fanwege it opromjen fan de brokstikken.

Category:

News & Politics

Tags:

• accident
• ûngelok
• ongeluk
• ambulânse
• ambulance
• frachtauto
• truck
• Hendrik
• Algrawei
• Ljouwert
• Liwwadden
• Leeuwarden

[grindhiphop]

blikjuh,dy hawwe meiinoar in bêste kletser makke âlde!