كلمات: عبدالوهاب محمد
الحان: محمد سلطان
غصب عني يا حبيبي .. مهما اقول ابعد و اخبي
القى روحي باحن لك .. و اشتاق لحبي غصب عني
غصب عني كمان باصدق حسن ظني
و اطوي شكي فيك و حيرتي في التمني
و اعمل ايه وياك و حبك اقوى مني
اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي
اشتياقي يا حبيبي و انت غايب .. اشتياق فوق اشتياق كل الحبايب
بس عزة نفسي بتخليني اداري .. و اقدر اصبر و ابتسم في عز ناري
يجرى ما يجرى .. و ما حدش عنده فكرة
و الحقيقة اني بادوب لهفة و حنين
و انتظار على نار و افكار حيرانين
بتغالبني الوحدة و انا مع ناس كتار
و يصاحبني السهد حتى بالنهار
و الدقيقة تمر عليا بسنين
كل ده و انت بعيد .. و اما بتعود من جديد .. كل ثانية تبقى عيد
الحياة بترد فيا .. و السماح يغلب عليا
اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي
نقطة الضعف اللي فيا .. عذبتني
حملتني فوق ما يقدر حد يتحمل ضنى ..
وصلتني اعيش لك انت و انسى حتى مين انا
وامشي ورا قلبي و غرامه في الضلوع
زي طيران الفراشة عالشموع
باعرف اني اروح و ما اعرفش الرجوع
عايز اكتر من كده ايه
انت شفت الحب ده الا معايا
ليه ما بتقدرش ليه
و انا م البداية باحبك حب لسه ما اتعرفشي
و اخاف عالحب مين حب و ما خافشي
يا حبيبي يا حبيبي
زي موج البحر ما بيرجع لبحره باعود اليك
يا حبيبي يا حبيبي
زي ما يخاف اللي تاهت نفسه منه باخاف عليك
و اعمل ايه .. اعمل ايه
اعمل ايه لما عواطفي بتعاندني و بتراضيك
اعمل ايه و انا سر ضعفي رأفة بيك من حبي فيك يا حبيبي
نقطة الضعف اللي عندي كان منايا تبقى عندك
و اللي باشعر بيه لوحدي
انت تشعر بيه لوحدك
كان منايا يا منايا يغيرك عطفي و حناني
كان منايا تبقى ارحم ما بزماني
بس يا خسارة
التمني عاش تمني
و الحياة ما بتديناش كل الاماني
اد ما ارادتي قوية .. اد ما دموعي ابية
نقطة الضعف اللي فيا .. هي قلبي و انت قلبي
ياجماعة الاغنية من الحان محمد سلطان
l0sha1 2 months ago
يمكنك تحميل هذا الفيدو من برنامج ريل بلير بيحمل فيديو هتلاقى سهم كدة فوق كدة مكتوب دونلود زيس فيديو بالانجليزى اتك على السهم اللى نازل تحت وانزل عن اخر واحدة واختار المكان اللى تحفظة فيها
l0sha1 2 months ago
omariam05شكرا على التصحيح
sa3d1945 2 months ago
@sa3d1945 عفواً عزيزي ولكن هذي الأغنية من أروع ما لحن المبدع محمد سلطان، وليس بليغ حمدي مع حبي وتقديري لقامة كبليغ حمدي.
omariam05 2 months ago
@sa3d1945 خصوصاً تعامل سلطان مع مقام الهزام والعراق فيها من أروع ما يكون.
omariam05 2 months ago
تسجيل رائع ونقي جداً.
ألف شكر للرافع، ولو تخبرنا من أين لنا أن نحمل هذا التسجيل النقي والصافي، فأنا من الشاكرين.
omariam05 2 months ago
روعة
farragneb 4 months ago
اروع ما غنت فايزة احمد.
farragneb 4 months ago
احلى اغنية واهههههههههههههههههههههه من الايام وفات العمر ولم يبقى الا القليل
hagagy777 4 months ago
كلمات: عبدالوهاب محمد
الحان: محمد سلطان
hamadaelnopy 4 months ago