Nauha - 02 - Jayati Bawari - Ghar Ko Choara Shah Ne

Imam e Hussain (a.s.) ki zaat e gerami firqa o mazhab ke imtiyaaz se bari hai.
Waqaey Karbala ke baad se yeh Shaheed e Insaniyat tamaam aalam se khiraaj e aqeedat hasil kar raha hai.
Ahle Hunood ki Imam Hussain (a.s.) se aqeedat koi naii baat nahiN hai. SadyoN se woh Hussain ka gham manaate aa rahe haiN. Unke jazbaat ki kya khoob
tarjumaani Janab Dibakar Rahi* Sahab ne ki hai:

Tum mitey, lekin tumheiN mitne na deiNge aey Hussain
Woh tumhaara kaam tha, aur yeh hamaara kaam hai.

Pichle baras Soazkhwani ki eik video "Hindu Khatoon" ke unwaan se Lucknow ki mohtarma SUNITA JHINGRAN ko logoN ne kaafi pasand kiya.
Aaj maiN Kolkata ki Mohtarma JAYATI BAWARI Saheba ki 3 audios upload kar raha hooN. Aap NGOs ke liye kaam karti haiN,ya yuuN kahiye ke khalq e Khuda ki khidmat karti haiN. Jis khoobsurti se unhoN ne paRha hai, uss se Karbala
waaloN se unki aqeedat ka andaza lagaya ja sakta hai.

Soaz:

Ghar ko choRa Shaah* ne jangal basaan'e ke liye
Karbala meiN aaey thEy duniya se jaane ke liye

Khelti thiiN khaak par tifli meiN Zainab* baarha
Mashq ki thi Karbala meiN khaak udaan'e ke liye

Hazrat'e Sajjad* raah'e Shaam se waqif na thEy
Haath pakRey thi rasan rasta bataaney ke liye

Category:

Education

Tags:

• Matam
• soz
• nauha
• soaz
• salam
• marsiya
• majlis
• jayati
• bawari
• moharram
• kolkata
• mirza
• jamal
• mahakavi

[azizwasti]

Jazakallah Jamal saheb Allah aap ko ahele bait ke tawassal se sehat aur salamati de

[mahakavi]

@azizwasti

Shukriyah Janab

[gulrukkh]

Subhanallah.

Nice upload.