Guillaume de Machaut - Se ma dame m'a guerpy (Virelai)

Early Music Consort Of London, David Munrow.

Se ma dame m'a guerpi
Et à un autre que mi
S'amour ha donnée,
Puis qu'il lui plaist, forment m'agrée.

Je ne pensasse nullement,
Vraiement,
Que muer peüst einsi
Son cuer et que departement
Si briefment
Feist de moy et de li.
Mais elle l'en ha parti,
Et, pour li mettre en oubli,
Li veoir me vée.
Puis qu'il li plaist, forment m'agrée.
Se ma dame m'a guerpi.

Je l'ay servie longuement
Loyaument
N'onques je ne li failli;
Or me tient dolereusement
En tourment,
Quant son cuer mort et trahi
M'a, par samblance d'ami,
Et en ottriant mercy
Ma mort m'a jurée.
Puis qu'il li plaist, forment m'agrée.
Se ma dame m'a guerpi.

Ainsi, sans nul aligement,
Humblement
D'amours en morant langui,
Et li Desirs plus asprement,
Qui m'esprent,
M'assaut que s'onques joÿ
N'eüsse, car souvent di
Pour ma douce dame: "aymi"
A vois esplourée.
Puis qu'il li plaist, forment m'agrée.
Se ma dame m'a guerpi
Et à un autre que mi
S'amour ha donnée,
Puis qu'il lui plaist, forment m'agrée.

Category:

Music

Tags:

• Guillaume
• de
• Machaut
• Se
• ma
• dame
• m'a
• guerpy
• Virelai
• Early
• Music
• Consort
• Of
• London
• David
• Munrow.

[denouncechristianity]

This is one of the only songs I can find from "The Art of Courtly Love" album. Wonderful melody.