Drachetöter; Katharina Berger

Berner Mundartchanson; erstmals veröffentlicht auf www.dielyriker.de


Lyrics:

Du chunnsch dür mini Hindertür, als kenntisch di hie uus
Als schlöng dis Härz scho lang grad glych wie mis
Als wohntisch scho e Ewigkeit hie im glyche Huus
Was komisch isch, Angscht, das ha-n-i nid

Zwar nimmsch mir mini Waffe
Du nimmsch mir Schwärt u Schild
Du nimmsch mi Burg zersch mal vo inne y
Nähr machsch es Füür im Cheminee
U hänksch es wärtvolls Bild
A di Muure wo so hert u chalt si gsy

Du leisch e weiche Teppich, wo d Echo schlückt, dür d Gäng
Du hissisch alli Banner uf mim Turm
Du schleifsch mir alli Schanze u wi we das nid scho läng
Nimmsch du mir no Schoss u Härz im Sturm

Du machsch us mire Feschtig es offnigs, fründlechs Huus
I hoffe du chömsch weder einisch hei
Doch es het no so viel Drache, drum zieh no einisch us
Hüete cha n i dis Huus ou ellei

Es het ja geng no Muure
Mir blybe Schild u Schwärt
I bätte drumm, dass'd jedi Gfahr bezwingsch
Und es daheim z bewache
Das isch es sicher wärt
Bis d mer der dr Chopf vom Drache bringsch

(c) Katharina Berger, 95

Category:

Music

Tags:

• Folk
• Chanson
• Liebeslied
• Mundart
• Mani
• Matter
• Liedermacher
• Troubadour
• Singer
• Songwriter
• yarasa

[affebolla89]

pfui

[Flatterfrauch]

Sehr uffschlussrych :D

[Lichtfee004]

Drachentöter ...sind immer gut ..superschöönn gespielt und gefühlvoll gesungen ... Liebe Grüße ann

[guitaristeauteurfab]

it's a beautiful song :)

[AK47Gerilla46]

@affebolla89 Sei bischen nett und höflich Bitte.

[flahmus]

Echt! De Name vo dem seit scho alles! ;) Schön gsunge

[dominiquedv]

Danke schön für die Worte! Jetzt verstehe ich besser, obwohl nicht alles. Schön gesungen, das Lied hat eine schöne Melodie und die Gitarrenbegleitung klingt auch schön.

dominique

[canajian]

NICE!

I wish I understood the words LOL

*****