Leuteria a hui for di Bon Futuro 15 di sèptember. Por lo menos 2 otro prezu a purba hui na mes momentu pero no a logra. Ayeranochi pa eksaktamente 7 minut pasa di nuebe tim di aresto a detené Leuteria den un apartamento na Ronde Klip. Tambe a detené e dama di insial J.J.A. di 25 aña. Durante e temporada ku e tabata skondà tabatin hopi spekulashon riba unda e lo por hui bai, i ultimamente a hasta pensa ku e ta kedando na Boneiru. Aki na Kòrsou outoridatnan a kondusi basta operashon pa purba detené Leuteria pero te ku e detenshon di ayera nochi esaki no a logra. Leuteria tin ku kaba di sinta un kastigu di 18 aña pa asesinato.
Link to this comment:
All Comments (0)