Kajto - La Velŝipo Magdalena

Muziko en Esperanto
Teksto: William Auld
Muziko: Nanne Kalma

Sur la velŝipo "Magdalena"
La matenmanĝo estas jena:
Bifsteko kun botelo plena -
Hej! Hej! la vivo dura!
La matenmanĝo estas jena:
Bifsteko kun botelo plena -
Hej! la vivo dura!
Maristoj staras sur ferdek',
La mastro krias per laŭta blek':
"Mi pagos pluson sen domaĝ'
Se vi ne plendos dum vojaĝ'!"
"Ne, ne!", diras la maristoj bravaj,
" Ne,ne,ne! Ni preferas plendi!
Ni preferas plendi ja!"

Sur "Magdalena" ŝvitas plage
Ĉiu maristo - li, - senblage,
Deĵoras eĉ tri horojn tage -
Hej! Hej! la vivo dura!
Ĉiu maristo - li, - senblage,
Deĵoras eĉ tri horojn tage -
Hej! la vivo dura!
Maristoj staras sur ferdek'
La mastro krias per laŭta blek':
"Mi pagos pluson kun plezur'
Por unu kroma horo nur!"
"Ne, ne!", diras la maristoj bravaj,
"Ne, ne, ne! Fakte ni laboras tro!
Fakte ni laboras tro! Ho!"

Ne mankas rum', ne mankas vinoj,
Ni havas kargon de putinoj:
Por ĉiu vir' po tri knabinoj
Hej! Hej! la vivo dura!
Ni havas kargon de putinoj:
Por ĉiu vir' po tri knabinoj
Hej! la vivo dura!
Maristoj staras sur ferdek'
La mastro krias per laŭta blek':
"Mi pagos pluson pli kaj plu
Se kontentiĝos vi per du!"
"Ne, ne!", diras la maristoj bravaj,
"Ne, ne, ne! Ne sufiĉas trio da!
Ne sufiĉas trio da! Ha!

Category:

Music

Tags:

• world
• music
• ne
• Magdalena
• esperanto
• ship
• navio
• veleiro
• Kajto

[JasonDamisch]

En mia menso, la bildo de Kajto sxangxas. Mi kredis ke Kajto estas pura, sed nun la grupo kantas pri puntinoj kaj alkoholo! BA! FUSX!

[JacintoYogui]

@JasonDamisch Ĉi tiu bonhumora teksto estas de la verkisto William Auld. La kanzono estas kritiko kontraŭ tiuj, kiuj havas ĉion sed kiuj ĉiam plendigas. Ĝi ne estas stimulo al alkoholtrinkado aŭ prostituado.

[esperantistabr]

majstra kanzono kaj amuza bildaro, hahahah

[NJEsperantist]

Unu el miaj plej preferataj kantoj! Dankon.

[Todeskaefer]

Mi volas logxi sur tiu sxipo

[jmm1946jan]

@dublistoeo Plenkonsente!

[jmm1946jan]

@dublistoeo Vi pravas, kara, tamen mi aludas al la plendo supra de Jason. Vi ja amegis la muzikon. Mi kredas ke ni spirite kaj fizike plene agordigxas ecx se mi ne tiom liberalas kiom sugestas la Aulda Teksto. :-) Ni hejme ofte memoras pri vi kaj cxiuj aliaj gajaj BEJO-ano en Pirasikaba Jarfina Renkontigxo!

[dublistoeo]

@jmm1946jan Pli detale: mi opinias tion amuza, ĉar Auld kaj Kajto tute majstre, bonhumure kaj sentabue parolas pri kelkaj temoj. Temoj, kiujn laŭ kelkaj puristoj, ne devas esti priparolataj per la lingvo esperanto. La ekzemplo estas ĉi tie, nur vidu la komenton de JasonDamisch kaj vi komprenos pri kio mi parolas. Mi estas tre diversec-akceptema persono, karulo. Brakumon!

[dublistoeo]

@jmm1946jan Tute male, moŝto, mi ne plendis, mi nur opinias tion amuza, ridiga, sprita. Krome, la fotoj elektitaj de Jacinto estas ege interesaj, belaspektaj, hehehehe. =)

[jmm1946jan]

@jmm1946jan en la antauxa mesagxo, anstataux "ne forgesu estas bunta", legu "ne forgesu ke la mondo estas bunta"

[jmm1946jan]

@dublistoeo (kompletige) Tiuj kiuj geedzigxas, nur eta parto restas fidelaj al la partner(in)o, kaj oftas skandaloj kaj eksedzigxoj kaj novaj kaj sinsekvaj geedzigxoj gxis la amora intenseco ekmalaperas ju pli la agxo plialtigxas kaj la haroj argentigxas.

Kial plendi do, kial ribeligxi pro la Aulda vervo kaj la kantobrilo de kajto?

[jmm1946jan]

@dublistoeo La islamanoj, laux la koran, rajtas kvaropon. En la brazila regiono kie mi logxas, en mia infanagxo, homoj ne rajtis tamen gxenerale posedis edzinon en la urbo, kaj kromedzino en la bieno kie ili logxis aux inverse.

Kial plendi pri la triopo sugestita de Auld, se nuntempe la plejmulto el la viroj rajtas kaj amoras plurajn virinojn sinsekve, kaj la virinoj same rajtas kaj amoras plurajn virojn, ecx sen ama engagxigxo. Tiuj kiuj geedzigxas, nur eta parto restas fidelaj dum geedzigxo?

[jmm1946jan]

Bonega surprizo, Yogui! Dankon! Al nia amiko Jason: ne forgesu estas bunta, ne nepre punt(in)a, ecx malpli putina, pro tio pli agrabla kaj tute ne monotona. Oni ne nepre bezonas sxati putinojn kaj alkoholon por gxui la vivon. Tamen al tiuj, kiuj sxatas, kiu kuragxos jxeti la unuan sxtonon? Mi tute ne! Krome gxi estas el plia majstroverko de nia granda poeto Auld, kiu dauxre vivas en siaj verkoj.

[Nyktris]

bonege! dankon, amiko.