AKSIDENTE ENTRADA KLOOF.

Kloof tabata esenario pa un aksidente di tráfiko mainta trempan.
Tabata den kareda di mitar di sinku ku un dama manehando un Peugot riba Wèg naar Wespunt drentando den área di Kloof, pa motibu di kansansio a pèrdè kontròl riba su vehíkulo. Aparentemente e dama a kaba di sali trabou i tabata dirigi su mes pa kas pero debí na kansansio a pega soño tras di stür. E dama a basha un palu di lus kompleto abou i den e skual ku e la pasa aden e la destruí un instalashon di awa. Ambulans di CEMS a akudí na e sitio pa duna e dama promé asistensha ya ku e la sufri kap na su lep. E dama a opta despues pa e mes bai su doktor di kas. E vehíkulo a risibí basta daño material i un kran a bai ku e outo. Personal di Aqualectra tambe a presentá na e sitio pa hasi trabounan nesesario na e instalashon di awa i koriente. E área a keda sin koriente un ratu dor di e aksidente

Category:

News & Politics

Tags:

• telecuracao
• telenotisia
• notisia
• notisia curacao
• AKSIDENTE ENTRADA KLOOF.