power - arm mixtape

如果可以我想變做阿童木
飛出呢個嘅社會 躲開一切庸俗
一切混帳胡鬧 每日每日重複
右左藍紅綠 全部中毒混淆黑白從屬
個腦有問題唔該返去重讀 咪學人做官
咪再搞事 即刻執包袱搬
搬去將軍澳 或者去深水步
試埋新界早晚逼巴 士就最好
無須對號入座 反正個社會衰到
法官侄女可以拒捕
八達通免追討
樓價地價 統統變成稅務
法治退步 公義可以畫上句號
係邊個話明天 一定會更加美好
今日辛勤耕作但就係冇幸福味道
一日未死 就會發現現實 更加離譜
剝削大半生血汗換蝸居 邊個彌補
呢個就係現實 走到呢個地步
旨意政府搞掂局勢 不如低頭祈禱
尋日炒 爆香港 今日炒熱九龍
主阿 如果聽日要炒新界 求你放過離島
我地d小市民 屈服於大公司
裁員再加價 只要俾聲通知
特首話想社會和諧輕 鬆d
所以有人諗到用廿蚊定最低工資
哈...點解租金狂加 老闆可以啞忍
但係求你加返些少人工 就要再等等
等等等等多幾年 終於肯加薪
到時香港已經俾 地產商人瓜分
究竟樓係買嚟住 定 起嚟俾錢炒
九招十幾廿式唔見效 又可以點搞
而家先嚟禁蛋糕同超級發水麵包
麵包超人隻手摭天 洗撚理胡錦濤
無錯 呢d就 叫做 地產霸權
地主著上黃袍 定出賣屋價錢
窮人被逼做房奴 再冇其他打算
到走投無路 或者可以出家化緣
香港土地太少 係彈丸之 地
點解星加坡享受到安居樂業滋 味
政府慢條斯理 官商勾結掠水自 肥
出 賣人民落井下石 豈有此理

點解曾蔭權夠膽話政府有少少責任
樓價狂升 政府根本有份去催谷
呎價失控滑行 偏偏放棄居屋
上唔到岸嘅人 齊齊將船搭沉
等4年先有一千個單位
140戶家庭 同時爭位
話我知 呢d究竟係德政定奸計
話我知 你係好傻天真定係貪盞鬼
預左 做香港人就冇住所
預左 香港社會貧富懸殊我
諗如果 有朝一日拉近貧富之間夾縫
聽朝一早起身 原來不過發夢

Category:

Music

Tags:

• power
• mixtape
• rap
• hong kong
• 香港
• real hip hop