TIRANË, /ATSH- Edmond Prifti/.- Me sytë e mbyllur e gishtat teksa "ledhatonin" rrjedhshëm mbi kitarë, goditjet karakteristike të duarve (palmeras) apo takave prej druri (zapatos de flamenco) në kombinim perfekt me oktavat më të larta, kitaristi Niño Josele interpretoi në skenën e Teatrit Kombëtar të Operës dhe Baletit për qindra adhurues të kësaj muzike. Për rreth një orë e gjysmë, kitaristi spanjoll performoi në kuadër të edicionit të katërt të Vjeshtës Kulturore Spanjolle, me temë "Mesdheu përmes pesë shqisave" që përkoi me Ditën Kombëtare të këtij shteti. Ambasadori i Spanjës në Shqipëri, Manuel Montobbio, i pranishëm në këtë aktivitet tha se "ky është një koncert i veçantë, pasi është Dita Kombëtare e Spanjës. E si e tillë duhet të jetë e gëzueshme, pasi ndryshe nuk mund të jetë spanjolle. E sollëm përmes mënyrës më të mirë me këtë koncert të muzikës flamenko, të interpretuar nga kitaristi i mirënjohur Josele". Ai tha se kjo është veçse fillesa e eventit kulturor "Mesdheu përmes pesë shqisave", duke shtuar se nëse sot do ta shijojmë këtë koncert nëpërmjet shijimit, dëgjimit të syve e nëpërmjet zemrës, do ta vijojmë me javën e filmit, takimeve të letërsisë, javës gastronomike dhe ekspozitave... Josele: Do të rikthehem në Shqipëri Pas koncertit, Ninjo Josele, në një intervistë për ATSH-në, tregon përshtypjet e para të vizitës së tij në Shqipëri, duke u shprehur "Muy Exotico! (shumë ekzotik) si një vend që i përket normalisht Mesdheut dhe rrjedhimisht më duket tejet familjar, pasi më përngjasin me spanjollët". Një bashkëpunëtor i ngushtë me këngëtarët e njohur si Elton John, Lenny Kravitz apo Alicia Keys, kitaristi spanjoll Josele tregon se "është hera e parë që vij në Shqipëri. Ishte me të vërtetë një koncert unik dhe shpresoj që të rikthehem sërish në këtë vend shumë shpejt, mbase përkrah Paco de Lucia apo artistëve të tjerë të flamenkos...". Në përfundim falenderon publikun shqiptar prej të cilit mbeti i mrekulluar. Niño Josele Juan Jose Heredia, me emrin e skenës Niño Josele (Ninjo Hosele), lindi më 1974 në Almeri. Si pasardhës i një familjeje të madhe kitaristësh, sot në Spanjë ai konsiderohet si një ndër kitaristët e nivelit më të lartë artistik. Më 1996, Josele fitoi Konkursin e Vlerave rinore në Bienalen e Seviljes. Ka punuar përkrah mjeshtrave të mëdhenj të flamenkos si Paco de Lucía, Diego el Cigala apo të mirënjohurin Duquende, ndër të tjera ka shoqëruar me kitarën e tij artistët ndërkombëtarë si Lenny Kravitz, Alicia Keys apo Elton John. Së fundi Josele është shpallur si kandidati kryesor i Çmimeve Grammy Latine për diskun e tij "Española". Në vitin 2006, Niño Josele realizon një përkryerje të stileve Jazz dhe Flamengo me albumin "Paz" (Paqja), ndërsa kritika e mirëpriti këtë realizim dedikuar pianistit të muzikës xhaz, Bill Evans. Niño Josele ka interpretuar me sukses në filmin me metrazh "Almendros los Plaza Nueva" dhe "La sombra de las cuerdas" në vitin 2009 (me regji të Annabelle Ameline, Benoît Bodlet & Chechu G.Berlanga), një portretizim i gjeniut të kitarës "El Niño Miguel". Solo-t e tij më të suksesshme të muzikës flamenko, konsiderohen dy albumet e tij të para: "Calle Ancha" (1995) dhe Niño Josele (2003)...
KAMERA: Edmond Prifti (ATSH Multimedia)
Loading...
4:56
Flamenco Jazzby shahin0ne876,021 views
niño eres auténtico, es lo que cuenta.
Salud y corazón.
karlitos1000 1 year ago
ole josele!!!!
rrastafary 1 year ago