زجل لبناني, حفلة الكويت - زين شعيب وخليل شحرور قسم 5/5

Zein Sha'ayeb vs. Khalel Shahroor Part (5/5)

زين شعيب

انتفض وافتح بوابك يا عريني *** السبع غضبان واللبوه حزينه
ان غضب سبع الفلا والبوش سارح *** ما بفطر غير عرق بالسمينه
نصحت الناس ما قبلو النصايح *** فتحت البنك وكسرت الخزينه
عرفت امر البشر جايي ورايح *** وحياة الناس خزنه مش أمينه
اجاني الـ بالزجل بيــّن مبارح *** اجا يقمز على عتبة سنيني
ابعثولي نسر شايب سبح قارح *** ونمر يشبك يمينو في يميني
انا بعادي الليالي وما بصالح *** اذا شكــّت بأيماني ويقيني
لأني ذرفتين الباب فاتح *** بقلبي للرواق وللسكينه
انا من كثر ما جامع وطارح *** الوحي ماشي على راسو بيجيني
وكثر ما بهالأرض بارم مطارح *** الأرض زغرت تحت دعسة هجيني
يا حامل مسبحه ولفــّه وسابح *** بفكرك من مدينه ع مدينه
بدل هالمسبحه عندي مسابح *** الشمس ع مواجهن مشيت سفينه
وبهاللفه اذا كنلك مصالح *** تع ازرعها بعاطفتي وحنيني
لأنو مقدّمه من شيخ صالح *** يا محلى هالخميره بهالعجينه
انا ما بعتبرها سيف جارح *** لأنو شعارها من شعار ديني
بس بخاف ملوك المسارح *** عليي يشتكي تاج المعنى
اذا بشيلو دقيقه عن جبيني

خليل شحرور

الشعر يا بو علي بيعرف خليلو *** خليلي وما حدا غيري خليلو
سبق بالمعرفه جيلو بمسافه *** وعلم خفـّاق بين ولاد جيلو
انا بليل التعدي والجافي *** جبل صنين ع الساحل بميلو
وبليل الحب وبليل التصافي *** الصفا من دمع عيني سل سبيلو
اسألو عنـّي البيادي والفيافي *** انا بليل الشعر للتايه دليلو
وسبيلي للعطاشى علاج شافي *** تعا يا زين اغرف من سبيلو
انا معكن ع هالمسرح خلافي *** يا جيل من الدني قرّب رحيلو
عملتو الشعر دكانة صرافه *** ما كنتو تحيـّدو ولا تستقيلو
الشعر يا بو علي وحي وظرافه *** منو بوش قلو يا زميلو
يا بحل عن ظهر الثقافه *** يا نحنا للتقاعُد رح نحيلو
التاج اللي هرب عنك مسافه *** بكفي صوب هامك تستميلو
المُـلك جمر وانت عالجمر حافي *** لا تمشي للمُـك اعتق سبيلو
على ايّا بنا تاج القوافي *** لبستو وعملت حالك وكيلو
ورصّعته بأيدك ضر صافي *** بتطلع كل حبّه نص كيلو
وجنابك لا المعري ولا الرصافي *** ولا الزاجل هديلك من هديلو
هات التاج يا زبون العوافي *** مش رح نقبل تشيلو لوحدك
عن راسك غصب بدنا نشيلو

زين شعيب

يا شحرور الشعر بدو دراسه *** وعِلِم ونخاع يصبر عالمآسي
وانت بعدك اذا بتمشي بتوقع *** وطريقك كلها جبال ورواسي
يا بو براهيم عن هالدرب ارجع *** الذياب كثار لازملك حراسه
لا عندك من مقالع زين مقلع *** ولا بتعرف قوانين السياسه
اذا بقلك اركع اليوم اركع *** اللي مثلك ما بتلبقلو الشراسه
لأنك من حَمَـل معـلوف اودَع *** هني ليــّن ما عندك طبع قاسي
يا جايي تخلع التاج المرصّع *** عن الراس الـ ع كتف الدهر راسي
انا رمايه سبحت عالبحر ضفدع *** ما فيك تحطم الرقم القياسي
واذا بتاج الأماره ما بتسمَع *** بشعّار التغزّل والحماسه
انا رح اجبرَك تسمع وتقشع *** بعينك لو كنت شايف وناسي
أمير الشعر شوقي بكل مطلع *** بأشعارو بنى عروش وكراسي
وأنا من بعد شوقي خلقت مرجَع *** أمير الموهبه وشيخ الفراسه
واذا غيري رضي للتاج يخلع *** وكسرتو المملكه بلفــّة قداسه
انا رقبة ولاد الفن بخلع *** لأنو الأرض تحت مني
واله الكون تاجي فوق راسي

Category:

Music

Tags:

• Zaghlol
• El-Damour
• vs.
• Khalel
• Shahroor
• Part
• (5/5)
• زجل
• لبناني
• حفلة
• الكويت
• -
• زين
• شعيب
• وخليل
• شحرور
• قسم
• 5/5

[Georgieporgie1]

These Great men are beyond gifted, hopefully there will be more such wonderful people, it's a dying art.

[Darweesh84]

absolutely.

[kahlif81]

ahhh ja bu ali fett fett allah hayo ?????

[solytube1]

وسبيلي للعطاشى علاج شافي تعال يا عبد انت وسالم اغرفو من سبيلو

[solytube1]

انا بليل التعدي والتجافي جبل صنين ع الساحل بميلو

[2010Cedar]

Abu Ali & Shahrour are two of Lebanon's zajal giants. Great zajal. Zajal at its best.

[ahmadkrs]

رحمة الله عليك يازين شعيب يا ا بو الفصاحة والارتجال

[Ma7m9d]

والله ها الأبو علي عليه فخر مش معقول.. من بعد شوقي خلقت مرجع أمير الموهبة وشيخ الفراسة..

[ATarhini]

@philosophy001

[majorahmad]

masha ALLAH. Thank you soo much for sharing these vids. It was a must to go from vid 1 to vid 5, and i would have gone through 10 if it were available. This is truly a lost art, as less and less arabs appreciate the arabic poetry. So powerful are these spoken words. I hope they are not lost on the future generations