民建聯成功爭取北極有企鵝 @ 左右紅藍綠 2009-06-09

隔牆有耳：黑白不分　顛倒南北

2009年06月10日

民建聯要惡補英文，已經係香港人共識，原來佢哋地理常識都十分驚人。被譽為黨內新星、剛當選副主席嘅律師張國鈞，噚日擔任港台節目《左右紅藍綠》嘉賓講氣候暖化問題，一出­鏡就講：「一直以嚟北極都係一個非常之寧靜，人少企鵝多嘅地方。」
佢講咗兩句，唔少觀眾已經笑咗出嚟，事關好多人都知，北極有熊而冇企鵝，南極先至有企鵝，兩種動物只會在聖誕卡或動物園先有機會同場出現，張副主席指北極企鵝多，擺明搞 gag啫。

港台網版已刪「企鵝多」


節目噚日下午 1點幾鐘出街後，瞬即有人將片段上網，網友睇完「北極企鵝多」偉論後無不笑到反肚，大家以為民建聯政治上顛倒是非、六四史實黑白不分啫，原來連南北都亂晒龍。有人話民建聯­成功爭取企鵝北極居留權，應該盡快掛街板邀功，同時舉辦北極企鵝觀光團，由張副主席帶街坊去開吓眼界。
不過大家報團前，最好聽吓曾多次到兩極探險嘅攀山專家鍾健民意見，「我去過北極兩次，南極三次，真係冇試過喺北極見到企鵝。」佢知道張副主席話北極有企鵝後都不禁失笑，「­如果有人擺隻企鵝去北極，唔排除企鵝可以喺北極生存嘅。」

何解北極冇企鵝，科學家估計可能同物種遷移或其他環境因素有關。鍾健民指香港人可以喺海洋公園一次過睇晒企鵝、熊貓、中華鱘等各地動物，誤以為北極都咁熱鬧亦唔出奇，張國­鈞常識不足無傷大雅，「多啲人講環保問題始終係好事。」

除咗指北極有企鵝，張國鈞喺節目中話加拿大擬於「北極點以南」設陸軍訓練基地亦令人頭，好多人想佢指出邊處係北極點以南；八方翻查資料，估計佢應該係想講加拿大總理到北­極圈以南視察時，表示想在北極設基地，張國鈞亂點一通，差之毫釐，豈只千里？

張國鈞獨到見解可以出街，八方相信係因為台長麒叔噚日唔得閒先睇片，俾潛伏嘅反動派有機可乘「陰」到民建聯，網上版已刪除「企鵝多」三個字，好彩可以 YouTube重溫，南北極可以倒轉，「竄改」歷史唔得呀！
----
網民嘲諷民建聯 成功爭取北極有企鵝
(明報)2009年6月10日 星期三 05:05

【明報專訊】上年民建聯 陳克勤一句「try our breast」令佢一夜成名，噚日民建聯副主席張國鈞又「揚威」網上。本身係律師嘅張國鈞，噚日喺港台 節目《左右紅藍綠》上，講咗一句「一直以來，北極 都係一個非常寧靜，人少企鵝多嘅地方」，有網民即時將段片上載YouTube 同大家分享，改咗個標題係「民建聯成功爭取北極有企鵝」，認真搞笑。

港台節目「爆肚」出錯

其實好多人都知道，企鵝只喺南極出現，但係張國鈞就話北極係企鵝多嘅地方，Emily打電話畀張國鈞了解事件，佢都知自己講錯，但解釋話佢原本想講環保議題，希望由北極帶­起，自己臨時「爆肚」，隨口噏幾句介紹北極，點知衰咗。

網民揶揄搞「北極企鵝觀賞團」

條片出街發，網民反應迅速，好快Facebook已經有個新group﹕「青年民建聯主席張國鈞話北極有好多企鵝 ! 促請民建聯舉辦『北極企鵝觀賞團』由佢擔任團長 陳克勤帶領搓企鵝胸！」

港台都算好幫忙，Emily噚晚再上港台網站重溫片段時，「企鵝多」嘅字幕已被刪走，張國鈞講嘅時候，呢3個字就無咗聲，但係明明佢個嘴郁郁吓，但就無聲幾秒，都幾突兀。­雖然張國鈞講錯嘢，但都好有阿Q精神，佢同Emily講，過往呢類節目都無乜人留意，如果今次失誤可以令人留意到環境保護，咁都算因禍得福。短片網址：http://ww­w.youtube.com/watch?v=6AbxOF62nd8

Category:

News & Politics

Tags:

• 青年
• 民建聯
• 張國鈞
• 北極
• 企鵝
• 左右紅藍綠
• 民建聯最無恥
• 無恥
• 最無恥

[nemesis0416]

大家唔好怪講呢段說話嗰件垃圾啦........

立法局主席豬肉成都話自己都唔知原來北極無企鵝.......

根本淫賤聯係由一大堆無常識嘅擦鞋友組成......

[vanvaness]

民建聯最無恥

[stonebreaker99]

@ntonyworkshop 人家都說了是不小心講錯話了，你們用得著計較這個嗎？支持財團？­你想講甚麼？你又怎樣認為民建聯沒有改善民生了？難道在你的腦中­，不合你意思的就是廢物？

[ntonyworkshop]

@stonebreaker99 DAB成員不知道一碟粟米肉粒飯多少錢也就算了，連南極沒企鵝這­種小學生常識題也不知道的智慧，怎當用大智慧去「辨是非、安天下­」？支持財團，反對通過公平競爭法的政黨，不改善民生，他們真的­令社會和諧嗎？我不認同DAB不等於我認同其他政黨(包括民主派­)的行為和理念，我只是以事論事。

[stonebreaker99]

笑甚麼，講錯些少事情會死人嗎？怎麼會扯到智慧多少、政治上了？

你們這群喜歡取笑他人的人，積點口德好不好，和諧社會快被你們破­壞了！

[Joseph06238]

民建聯的智慧...唉!~

[teagod2004]

fail

[yck2479]

引用白胡子:one piece係確實存在

民建聯mode:北極確實存在企鵝~

[s20041149to]

@peace5201314

其實地理上的南極,於物理上來說是位於北極

依照物理學上,企鵝是位於北極



[shiroyaksha]

如果南極有北極熊.....

咁北極熊係咪重應該叫做北極熊?

[SONICFUNG]

南北不分...點選你啦！