A little bit of Scotland: To a louse by Robert Burns

Hope u all like this.

To a a louse


Ha! Whare ye gaun, ye crowlin ferlie?
Your impudence protects you sairly,
I canna say but ye strut rarely
Owre gauze and lace,
Tho' faith! I fear ye dine but sparely
On sic a place.

Ye ugly, creepin, blastit wonner,
Detested, shunn'd by saunt an' sinner,
How daur ye set your fit upon her --
Sae fine a lady!
Gae somewhere else and seek your dinner
On some poor body.

Swith! in some beggar's hauffet squattle:
There you may creep, and sprawl, and spr
Wi' ither kindred, jumping cattle,
In shoals and nations;
Whare horn nor bane ne'er daur unsettle
Your thick plantations.

Now haud you there! ye're out o' sight,
Below the fatt'rils, snug an' tight;
Na, faith ye yet! ye'll no be right,
Till ye've got on it ---
The vera tapmost, tow'ring height
O' miss's bonnet.

My sooth! right bauld ye set your nose ou
As plump an' grey as onie grozet:
O for some rank, mercurial rozet,
Or fell, red smeddum,
I'd gie ye sic a hearty dose o't,
Wad dress your droddum!

I wad na been surpris'd to spy
You on an auld wife's flainen toy:
Or aiblins some bit duddie boy,
On's wyliecoat;
But Miss's fine Lunardi! fye!
How daur ye do't.

O Jenny, dinna toss your head,
An' set your beauties a' abread!
You little ken what cursed speed
The blastie's makin!
Thae winks an' finger-ends, I dread,
Are notice takin'!

O wad some Power the giftie gie us
To see oursels as ithers see us!
It wad frae monie a blunder free us,
An' foolish notion:
What airs in dress an' gait wad lea'e us,
An' ev'n devotion!

Twitter: @scottishW92

facebook: http://www.facebook.com/pages/Scottishwarrior92/229952707078648

Category:

People & Blogs

Tags:

• Scotland
• Kingdom Of Scotland
• Robert Burns
• Little
• Glasgow
• Scottish
• Scottishwarrior92
• To a louse
• Freedom

[alexthehunted]

i don't really know what burns night but enjoy burns night